ប្រទេសប៉ាគីស្ថាន៖ ប្រព័ន្ធផ្សព្វផ្សាយក្នុងស្រុក និងមន្ត្រីនិយាយថា យ៉ាងហោចណាស់មនុស្ស ៤នាក់ស្លាប់ និង៣២នាក់ផ្សេងទៀតរងរបួសនៅក្នុងហេតុការណ៍ផ្ទុះមួយនៅខេត្តប៉ាឡូជីស្ថាន ភាគនិរតីប្រទេប៉ាគីស្ថានកាលពីថ្ងៃសៅរ៍។
មន្ត្រីសុំមិនបញ្ចេញឈ្មោះបានប្រាប់អ្នកព័ត៌មានថា ហេតុការណ៍នេះបានកើតឡើងនៅក្នុងស្រុកថួរបាត ជាកន្លែងដែលក្បួនរថយន្តមួយត្រូវបានវាយប្រហារ ហើយរថយន្តក្រុងមួយគ្រឿងនៅក្នុងនោះត្រូវបានវាយប្រហារអំឡុងពេលនៃការវាយប្រហារនោះ។
សេចក្តីរាយការណ៍ព័ត៌មានក្នុងស្រុកនិយាយថា មន្ត្រីប៉ូលិសជាន់ខ្ពស់ម្នាក់ និងសមាជិកគ្រួសាររបស់គាត់រងរបួសក្នុងការវាយប្រហារ និងត្រូវបានបញ្ជូនទៅមន្ទីពេទ្យនៅក្បែរនោះ។
កងទ័ពរំដោះបាឡូជីស្ថាន (Balochistan Liberation Army) ដែលត្រូវបានហាមឃាត់បានអះអាងពីការវាយប្រហារនេះតាមសំណេរនៅលើបណ្តាញសង្គម ចំណែកឯអាជ្ញាធរប៉ាគីស្ថាន មិនបានបញ្ជាក់អំពីការវាយប្រហារនេះនៅឡើយទេ៕
