ប្រទេសតួកគី៖ លោករដ្ឋមន្ត្រីការពារជាតិតួគី យាសារ ហ្គូលឺ បាននិយាយនៅថ្ងៃសៅរ៍ថា គណបក្សពលករឃឺដ (PKK) ខុសច្បាប់ត្រូវតែរំលាយ “ឱ្យបានឆាប់តាមដែលអាចធ្វើទៅបាន” និងប្រគល់អាវុធរបស់ខ្លួនដោយគ្មានលក្ខណ្ឌនៅគ្រប់តំបន់ទាំងអស់។
ថ្លែងក្នុងពិធីមួយនៅទីក្រុងអង់ការ៉ាដើម្បីរំឭកខួបលើកទី១១០នៃជ័យជម្នះរបស់កងទ័ពជើងទឹក កានណាកាល ណាវ៉ល ក្នុងអំឡុងសង្គ្រាមលោកលើក ទី១ និងថ្ងៃរំឭកវិញ្ញាណក្ខន្ធរបស់ជនរងគ្រោះថ្ងៃទី១៨ ខែមីនា លោក ហ្គូលឺ បានថ្លែងថា “គោលដៅចុងក្រោយរបស់យើងគឺ កម្ចាត់អង្គភាពភេរវកម្មទាំងស្រុង”។
លោកបានសង្កត់ធ្ងន់ថា ដំណើរការនេះនឹងមិនត្រូវបានអនុញ្ញាតឱ្យមានការបំផ្លិចបំផ្លាញ ការរំលោភបំពាន ឬអូសបន្លាយឡើយ ហើយរបៀបដោះស្រាយដែលប្រុងប្រយ័ត្ន និងសមហេតុផលនឹងត្រូវបានអនុម័ត។
សុន្ទរកថារបស់លោករដ្ឋមន្ត្រីធ្វើឡើងតាមសេចក្តីប្រកាសនៅថ្ងៃទី១ ខែមីនា របស់ PKK អំពីបទឈប់បាញ់គ្នាជាឯកតោភាគីបន្ទាប់ពីការអំពាវនាវរបស់មេដឹកនាំដែលជាប់ពន្ធនាគារគឺលោក អាបដូឡាហ អូកាលេន។ កាលពីថ្ងៃទី២៧ ខែកុម្ភៈ លោក អូកាលេន ដែលត្រូវបានគេចាប់ដាក់ពន្ធនាគារតាំងពីឆ្នាំ១៩៩៩ បានជំរុញឱ្យគណបក្សពលករឃឺដ និងក្រុមដែលគាំទ្រខ្លួនបំបែកក្រុម និងដាក់អាវុធចុះ។
រដ្ឋាភិបាលតួកគីបានប្រយុទ្ធក្នុងជម្លោះដែលមានរយៈពេល៤០ឆ្នាំជាមួយក្រុមដែលបានសម្លាប់មនុស្សប្រមាណ៤០.០០០នាក់៕
