ប្រទេសប៉ាគីស្ថាន៖ សមាជិក៤នាក់នៃគណៈកម្មាធិការសន្តិភាពដែលគាំទ្ររដ្ឋាភិបាលត្រូវបានសម្លាប់ក្នុងការវាយប្រហារមួយនៅស្រុកបាននូ ខេត្តខាយប័រផាកថុនវ៉ា ភាគពាយ័ព្យប្រទេសប៉ាគីស្ថាន នេះបើតាមសម្តីរបស់ប៉ូលិសកាលពីថ្ងៃអង្គារ។
មន្ត្រីប៉ូលិសនៅក្នុងតំបន់នោះបាននិយាយថា ក្រុមអ្នកវាយប្រហារដែលប្រដាប់ដោយអាវុធទំនើប បានវាយប្រហារលើរថយន្តរបស់សមាជិកគណៈកម្មាធិការ ក្នុងពេលដែលពួកគេកំពុងធ្វើដំណើរ។ ប្រភពបន្ថែមថា ការបាញ់ប្រហារបានបំបែកកញ្ចក់បង្អួចរថយន្ត និងសម្លាប់សមាជិកទាំង៤នាក់នៅនឹងកន្លែង។
ពុំទាន់មានក្រុមណាមួយអះអាងទទួលខុសត្រូវចំពោះការវាយប្រហារនេះនៅឡើយទេ៕
