ប្រទេសកាមេរូន៖ ទាហានឆាដ ២៣នាក់ត្រូវបានសម្លាប់ និង២៦នាក់រងរបួសបន្ទាប់ពីក្រុមសកម្មប្រយុទ្ធប៉ូកូហារាំវាយឆ្មក់លើមូលដ្ឋានយោធានៅតំបន់បឹងឆាដ នេះបើតាមអ្នកនាំពាក្យកងទ័ពសាធារណរដ្ឋឆាដ លោក អ៊ីសសាខា អាឆេក ឆាណានេ បាននិយាយកាលពីថ្ងៃអង្គារ ទី០៥ ខែឧសភា ឆ្នាំ២០២៦។
លោក ឆាណានេ និយាយនៅក្នុងសេចក្តីថ្លែងការណ៍ថា ក្រុមសកម្មប្រយុទ្ធបានបើកការវាយប្រហារលើមូលដ្ឋាននៅកោះបាកាតូឡូរុំ ខេត្តបឹងឆាដនៅម៉ោងប្រមាណ ១០យប់ម៉ោងក្នុងស្រុកនៅថ្ងៃចន្ទ ទី០៤ ខែឧសភា ឆ្នាំ២០២៦។
លោកបានកត់សម្គាល់ថា កងកម្លាំងឆាដបានឆ្លើយតបចំពោះការវាយប្រហារនេះ ហើយបានសម្លាប់ក្រុមសកម្មប្រយុទ្ធប៉ូកូហារាំមួយចំនួនធំ និងរឹបអូសអាវុធរបស់ពួកគេផងដែរ។
“ខ្ញុំសូមសម្តែងនូវការរំលែកទុកដ៏ក្រៀមក្រំបំផុតរបស់ប្រទេសជាតិ ហើយខ្ញុំក៏សូមជូនពរទាហានដែលកំពុងសម្រាកព្យាបាលឆាប់ជាសះស្បើយ” ។ នេះជាខ្លឹមសារដែលលោកប្រធានាធិបតីសាធារណរដ្ឋឆាដបង្ហោះនៅលើប្រព័ន្ធផ្សព្វផ្សាយសង្គមរបស់លោកបន្ទាប់ពីបានទៅសួរសុខទុក្ខទាហានរងរបួសនៅក្នុងមន្ទីពេទ្យ។
លោកបានបន្ថែមថា សាធារណរដ្ឋឆាដនៅតែ “រួបរួមគ្នាឥតងាករ៉េ” ក្នុងការប្រឈមមុខនឹងការវាយប្រហារប្រភេទនេះ។
គួរំលឹកផងដែរថា ក្រុមសកម្មប្រយុទ្ធប៉ូកូហារាំ បានធ្វើសកម្មភាពយ៉ាងសកម្មនៅក្នុងអាងបឹងឆាដអស់រយៈពេលជាងមួយទសវត្សរ៍មកហើយ ដោយបានធ្វើឲ្យប៉ះពាល់ដល់មនុស្ស និងខូចខាតសម្ភារៈជាច្រើននៅទូទាំងតំបន់៕
ប្រភព Xinhua ចុះផ្សាយឡើងវិញថ្ងៃទី០៦ ខែឧសភា ឆ្នាំ២០២៦
