ស្លាប់ម្នាក់ របួស២នាក់ក្នុងហេតុការណ៍បាញ់ប្រហារនៅសហរដ្ឋអាមេរិក

សហរដ្ឋអាមេរិក៖ ក្មេងជំទង់ម្នាក់ត្រូវបានសម្លាប់ និង២នាក់ផ្សេងទៀតរងរបួសកាលពីយប់ថ្ងៃសៅរ៍ ទី០៩ ខែឧសភា ឆ្នាំ២០២៦ ក្នុងការបាញ់ប្រហារដែលបានកើតឡើងក្នុងអំឡុងពិធីជប់លៀងមួយនៅផ្ទះប្រជាពលរដ្ឋក្នុងទីក្រុងផាញ រដ្ឋឥណ្ឌាណា សហរដ្ឋអាមេរិក។

មន្ត្រីប៉ូលិសបានទៅដល់ផ្ទះកើតហេតុនៅម៉ោង១១យប់ ហើយបានឃើញមនុស្ស៣នាក់ត្រូវគ្រាប់។ ក្មេងប្រុសជំទង់ម្នាក់បានស្លាប់នៅនឹងកន្លែងកើតហេតុ ចំណែកឯក្មេងជំទង់២នាក់ផ្សេងទៀតរងរបួសពីការបាញ់ប្រហារនេះ។

ប៉ូលិសកំពុងស៊ើបអង្កេតពីមូលហេតុនៃការបាញ់ប្រហារនេះ៕

ប្រភព Xinhua ចុះផ្សាយថ្ងៃទី១១ ខែឧសភា ឆ្នាំ២០២៦