កងកម្លាំងសន្តិសុខបានសម្លាប់ភេរវករ ខ្វារ៊ីច ៣នាក់បន្ថែមទៀត ខណៈដែលកងទ័ពប៉ាគីស្ថាន កងអង្គភាពព្រំដែនប៉ាគីស្ថាន និងប៉ូលិសបាឡូជីស្ថាន បន្តចូលរួមប្រតិបត្តិការនៅតំបន់
ស្ហាបាន បន្ទាប់ពីភេរវករបានវាយប្រហារទៅលើស្ថានីយ៍ប៉ូលិសម៉ានហ្គី ដាំ (Mangi Dam)។
ប្រភពសន្តិសុខបានឲ្យដឹងថា ភេរវករជាច្រើននាក់ដែលត្រូវបានសម្លាប់អំឡុងពេលប្រតិបត្តិការនៅក្នុងតំបន់ស្ហាបានបានកើនឡើងដល់៩១នាក់។ ប្រភពដដែលបានបន្ថែមថាក្រុមភេរវករកំពុងត្រូវបានកំណត់គោលដៅតាមរយៈប្រតិបត្តិការសម្របសម្រួលទាំងតាមអាកាស និងលើដី។
ប្រភពសន្តិសុខបានបញ្ជាក់ទៀតថា កងកម្លាំងសន្តិសុខកំពុងបន្តប្រតិបត្តិការយ៉ាងមានប្រសិទ្ធភាពប្រឆាំងនឹងក្រុមភេរវករដែលប៉ាគីស្ថានហៅថា ក្រុមហ្វីនណា អាល ខ្វារ៊ីច នៅក្នុងតំបន់នោះ៕
ប្រភព tribune ចុះផ្សាយឡើងវិញថ្ងៃទី១៧ ខែកក្កដា ឆ្នាំ២០២៦ (បង្ក្រាប)
