ប្រទេសប៉ាគីស្ថាន៖ ភេរវករ៥នាក់ត្រូវបានសម្លាប់ក្នុងអំឡុងប្រតិបត្តិការដែលមានមូលដ្ឋានលើការស៊ើបអង្កេតក្នុងខេត្តប៉ាឡូជីស្ថាន ភាគនិរតីប្រទេសប៉ាគីស្ថាន នេះបើតាមយោធានិយាយនៅថ្ងៃអង្គារ ទី១១ ខែសីហា ឆ្នាំ២០២៦។ អង្គភាពទំនាក់ទំនងសាធារណៈអន្តរសេវា (ISPR) ដែលជាអង្គភាពប្រព័ន្ធផ្សព្វផ្សាយរបស់កងទ័ពប៉ាគីស្ថានបាននិយាយក្នុងសេចក្តីថ្លែងការណ៍ថា ប្រតិបត្តិការនេះត្រូវបានធ្វើឡើងនៅថ្ងៃចន្ទ ទី១០ ខែសីហា ក្នុងស្រុកប៉ានជឺរ (Panjgur) ប្រឆាំងនឹងសមាជិករបស់ពួកសកម្មប្រយុទ្ធ។
អាវុធ គ្រាប់រំសេវ និងឧបករណ៍ផ្ទុះកែច្នៃត្រូវបានរឹបអូស និងបំផ្លាញចោលក្នុងពេលប្រតិបត្តិការនេះ។ យោធាបាននិយាយថា កម្លាំងសន្តិសុខ និងភ្នាក់ងារអនុវត្តច្បាប់នឹងបន្តប្រតិបត្តិការប្រឆាំងភេរវកម្មដើម្បីកម្ចាត់ពួកភេរវករដែលឧបត្ថម្ភដោយបរទេសចេញពីប្រទេសមួយនេះ៕
ប្រភព Xinhua ចុះផ្សាយឡើងវិញថ្ងៃទី១២ ខែសីហា ឆ្នាំ២០២៦
