ប្រភពព័ត៌មានពី RT ចេញផ្សាយថ្ងៃទី ១៧ ខែ មករា ឆ្នាំ ២០១៦
ក្រុមជីហាដរដ្ឋអ៊ីស្លាមត្រូវបានរាយការណ៍ថាបានសម្លាប់មនុស្សរហូតដល់ទៅ ២៨០នាក់នៅក្នុងខេត្ត Deir EZ-Zor ដោយសម្លាប់មនុស្ស “ក្នុងគ្រួសារទាំងមូល” ដោយចោទប្រកាន់ពីបទសហប្រតិបត្តិការជាមួយកងទ័ពស៊ីរី។ ការសម្លាប់ត្រូវបានធ្វើឡើងមួយថ្ងៃបន្ទាប់ពីមានជំនួយរបស់ប្រទេសរុស្ស៊ីដែលបានទម្លាក់នៅក្នុងតំបន់នោះ។ អ្នកស្រុកក្នុងតំបន់បានប្រាប់ទីភ្នាក់ងារសារព័ត៌មានការ Sputnik ថាការសម្លាប់រង្គាលនេះបានកើតឡើងក្នុងកិច្ចដំណោះស្រាយក្នុងតំបន់ al-Bahiya ដែលបានទទួលជំនួយតាមយន្តហោះរបស់រុស្ស៊ីនោះ។ ប្រភពពី Sputnik បានអោយដឹងថា “ការសម្លាប់រង្គាលយ៉ាងសាហាវនេះត្រូវបានធ្វើឡើងដោយពួកសកម្មប្រយុទ្ធ ISIL ក្នុង Al-Bahiya ខេត្ត Deir EZ-Zor។ ជនរងគ្រោះចំនួន ២៨០នាក់ក្នុងនោះមានទាំងស្រ្តីកុមារនិងមនុស្សចាស់។ ហេតុផលនៃការសម្លាប់ គឺមានសហប្រតិបត្តិការជាមួយកងទ័ពស៊ីរី។ ពួកសកម្មប្រយុទ្ធរដ្ឋអ៊ីស្លាម (IS, ISIS/ISIL) ត្រូវបានរាយការណ៍ថាបានកាត់ទោសប្រហារជីវិតក្រុមគ្រួសារទាំងមូល។ ការសម្លាប់រង្គាលនេះគឺជាការសម្លាប់មួយយ៉ាងសាហាវដែលកើតឡើងជារៀងរាល់ថ្ងៃក្នុងរយៈពេល ៥ឆ្នាំនៃជម្លោះនៅក្នុងប្រទេសស៊ីរីនេះ។ ប្រព័ន្ធផ្សព្វផ្សាយរដ្ឋស៊ីរីបានរាយការណ៍ថាមនុស្សទាំងអស់ដែលបានសម្លាប់គឺជាជនស៊ីវិលតែក្រុមត្រួតពិនិត្យមូលដ្ឋាននិយាយថាកងទ័ពរបស់រដ្ឋាភិបាលរាប់សិបនាក់ក៏ត្រូវបានសម្លាប់ផងដែរ។ ទីភ្នាក់ងារសារព័ត៌មានរដ្ឋស៊ីរី SANA រាយការណ៍ជាដំបូងថាបានសម្លាប់មនុស្សរាប់សិបនាក់ជាយុទ្ធជននៃជនស៊ីវិលដោយមិនលម្អិតណាមួយបន្ថែមទៀត។ ទន្ទឹមនឹងនេះដែរលោក Al-Mayadeen បានឱ្យដឹងថាទូរទស្សន៍របស់ប្រទេសលីបង់បាននិយាយថា ២៨០នាក់ត្រូវបានសម្លាប់រួមទាំងកុមារនិងស្ត្រី។ ប្រភពព័ត៌មានក៏បានបន្ថែមថាសាកសពជនស៊ីវិលទាំងនោះត្រូវបានបោះក្នុងទន្លេ Euphrates ខណៈដែលជនស៊ីវិលនៅរស់រានមានជីវិត ៤០០នាក់ផ្សេងទៀតត្រូវចាប់ជាចំណាប់ខ្មាំង។
![ISIS 18-01-16](https://i0.wp.com/www.cdn.nctc.gov.kh/2016/01/ISIS-18-01-16.jpg?resize=570%2C380)