ប្រភពព័ត៌មានពី RT ចេញផ្សាយថ្ងៃទី ០៤ ខែធ្នូ ឆ្នាំ២០១៦
ប្រធានក្រុមប្រឹក្សាក្រុងម្នាក់ និងអ្នកកាសែត២នាក់ត្រូវបានគេសម្លាប់នៅក្នុងការបាញ់ប្រហារនៅទីក្រុង Imatra ប្រទេសហ្វាំងឡង់ ដែលប៉ូលិសបានឲ្យដឹងថាភ្លាមៗនោះឃាតករត្រូវបានចាប់ខ្លួន។ ការសម្លាប់នោះកើតឡើងនៅក្បែរភោជនីយដ្ឋានក្នុងស្រុកមួយឈ្មោះ Vuoksenvahti កាលពីពាក់កណ្តាលអធ្រាត្រថ្ងៃសៅរ៍នៅពេលដែលបុរសមានអាយុ២៣ឆ្នាំម្នាក់មានកាំភ្លើងនៅដៃបានធ្វើការវាយប្រហារទៅលើស្ត្រី៣នាក់ដែលម្នាក់ជាប្រធានក្រុមប្រឹក្សាក្រុងឈ្មោះ Tiina Wilén-Jäppinen និង២នាក់ទៀតគឺជាអ្នកកាសែត៕
