ប្រភពព័ត៌មានពីRT ចេញផ្សាយថ្ងៃទី១០ ខែមិថុនា ឆ្នាំ២០១៨
រូបថតមួយសន្លឹកថតចេញពីកិច្ចប្រជុំកំពូល G7 ក្លាយទៅជាការជជែកគ្នាមិនចេះចប់មួយពីមេដឹកនាំពិភពលោក ដែលមានគំនិតមិនយល់ស្របគ្នាអំពីអ្វីដែលខ្លួនបាននិយាយ។
រូបថតនេះបង្ហាញពីលោកប្រធានាធិបតី Donald Trump អង្គុយអោបដៃខណៈដែលលោកស្រីអធិការបតីអាល្លឺម៉ង់ Angela Merkel សំឡឹងមើលគាត់ដោយដាក់ដៃលើតុ។ ពួកគេព័ទ្ធជុំជិតដោយមេដឹកនាំពិភពលោកដទៃទៀតរួមទាំងលោកប្រធានាធិបតីបារាំង Emmanuel Macron លោកនាយករដ្ឋមន្ត្រីជប៉ុន Shinzo Abe និងលោកស្រីនាយករដ្ឋមន្ត្រីអង់គ្លេស Theresa May ។
រូបថតនេះត្រូវថតដោយអ្នកថតរូបរបស់រដ្ឋាភិបាលអាល្លឺម៉ង់ឈ្មោះ Jesco Denzel ហើយចែករំលែកជាលើកដំបូងនៅលើប្រព័ន្ធផ្សព្វផ្សាយសង្គមដោយអ្នកនាំពាក្យរបស់លោកស្រីMerkel លោកSteffan Seibert កាលពីថ្ងៃសៅរ៍។
រូបភាពដ៏ពេញនិយមនៅលើប្រព័ន្ធផ្សព្វផ្សាយសង្គមដោយមានមនុស្សជាច្រើនផ្តល់ជាយោបល់អំពីទំនាក់ទំនងរបស់លោកត្រាំ ជាមួយនឹងមេដឹកនាំមួយចំនួននៅក្នុងបន្ទប់បន្ទាប់ពីតំលៃពន្ធថ្មីរបស់គាត់។ ជនជាតិអាមេរិកមួយចំនួនសុំទោសជំនួសលោកត្រាំ ខណៈដែលមនុស្សផ្សេងទៀតចង់បំផុសគំនិតឱ្យមានភាពច្នៃប្រឌិត។
