យោធាស៊ីរីគ្រប់គ្រងទាំងស្រុងនៅតំបន់ជុំវិញទីក្រុងអាឡិបប៉ូជាលើកដំបូង ចាប់តាំងពីឆ្នាំ ២០១២ ដោយពួកគេបញ្ចប់ការបាញ់ផ្លោងរបស់ភេរវករនៅក្នុងក្នុងទីក្រុងធំទី២របស់ប្រទេសស៊ីរ៉ី។ប្រព័ន្ធផ្សព្វផ្សាយរាយការណ៍ថា ភូមិមានចំនួនសរុប ២៣ភូមិនៅភាគខាងលិច និងខាងជើងនៃទីក្រុងទទួលបានការរំដោះ ខណៈក្រុមអ្នកប្រយុទ្ធមកពីក្រុម Hayat Tahrir al-Sham (ពីមុនត្រូវ គេស្គាល់ថា Jabhat al-Nusra) ភៀសខ្លួនចេញពីទីតាំងរបស់ពួកគេ។ព័ត៌មាននេះជំរុញឱ្យមានការប្រារព្ធពិធីទ្រង់ទ្រាយធំនៅទីក្រុងអាឡិបប៉ូ។ ហ្វូងអ្នកស្រុកធ្វើដំណើរតាមដងផ្លូវ ក្រោយពីពួកគេគ្រវីទង់ជាតិប្រទេសស៊ីរី ហើយអ្នកបើកបរកាន់ចង្កូតរថយន្តរបស់ពួកគេ។ ទីក្រុងអាឡិបប៉ូទទួលបានការរំដោះនៅឆ្នាំ២០១៦ ក្នុងប្រតិបត្តិការរួមគ្នារបស់កម្លាំងស៊ីរី និងរុស្ស៊ី ប៉ុន្តែក្រុមសកម្មប្រយុទ្ធប្រឆាំងរដ្ឋាភិបាលនៅតែបន្តកាន់កាប់នៅតំបន់ជាយក្រុង និងភូមិក្បែរៗនោះ។ ក្រុមភេរវករបាញ់ផ្លោងលើទីក្រុងជាប្រចាំដែលបណ្តាលឱ្យមានការបំផ្លិចបំផ្លាញជាច្រើន និងបណ្តាលឱ្យស៊ីវិលស្លាប់៕
ប្រភពព័ត៌មានRT ផ្សាយថ្ងៃទី១៦ ខែកុម្ភៈ ឆ្នាំ២០២០
