ប្រទេសស៊ុយអែតមានគម្រោងបង្កើនការធ្វើតេស្ត៍រកមេរោគកូរ៉ូណាវីរុសបន្ទាប់ពីវិធីសាស្រ្តមុនរបស់ខ្លួនបន្សល់ទុកនូវករណីអ្នកឆ្លង និងអ្នកស្លាប់ច្រើនជាងបណ្តាប្រទេសនៅណ័រឌីក។ រដ្ឋមន្រ្តីក្រសួងសុខាភិបាល និងសង្គមកិច្ចលោកស្រី Lena Hallengren ប្រាប់អ្នកយកព័ត៌មានកាលពីថ្ងៃសុក្រថាគោលដៅថ្មីរបស់រដ្ឋាភិបាលគឺការធ្វើតេស្តិ៍ពី ៥ ម៉ឺនទៅ ១០០.០០០ នាក់ក្នុងមួយសប្តាហ៍។
លោកស្រីបន្ថែមទៀតថា“ វាពិបាកក្នុងការទស្សទាយអោយត្រឹមត្រូវនៅពេលដែលយើងអាចឈានដល់ចំនួននេះ” ហើយដំណើរការនេះនឹងចំណាយពេល“ ច្រើនសប្តាហ៍” ។ លោកស្រី Hallengren និយាយថាការធ្វើតេស្តិ៍ទ្រង់ទ្រាយធំនឹងបង្ហាញពីទំហំនៃការផ្ទុះឡើងនៅក្នុងប្រទេសស៊ុយអែតខណៈពេលដែលវាក៏ជួយដល់បុគ្គលម្នាក់ៗសម្រេចចិត្តថាតើពួកគេគួរតែទៅធ្វើការ ឬស្នាក់នៅឯផ្ទះផងដែរ។
មនុស្សជិត ៧៤.៦០០ នាក់ត្រូវធ្វើតេស្តនៅថ្ងៃពុធនៅប្រទេសស៊ុយអែតដែលជាប្រទេសមានប្រជាជន ១០,២ លាននាក់។ ទោះបីរដ្ឋាភិបាលគ្រប់គ្រងនៅក្នុងអត្រាកើនឡើងនៃការធ្វើតេស្តិ៍ប្រជាជនជិត ១៩៩០០ នាក់ក្នុងមួយសប្តាហ៍ក៏ដោយ ក៏វានៅតែឆ្ងាយពីគោលដៅថ្មីដែលកំណត់ដោយរដ្ឋមន្រ្តីក្រសួងសុខាភិបាលដែរ។
ក្នុងដំណាក់កាលដំបូងនៃការផ្ទុះឡើងនេះ មន្រ្តីជាច្រើនធ្វើតេស្តទៅលើអ្នកណាម្នាក់ដែលវិលត្រឡប់មកពីតំបន់ដែលមានហានិភ័យខ្ពស់នៅបរទេស ឬអ្នកដែលបានទាក់ទងនឹងករណីនៃកូវីដ១៩ តែប៉ុណ្ណោះ។ ទោះយ៉ាងណាក៏ដោយ ប្រទេសស៊ុយអែតក្រោយមកផ្លាស់ប្តូរវិធីសាស្រ្តរបស់ខ្លួនដោយផ្តោតលើការធ្វើតេស្តិ៍លើអ្នកជំងឺ និងមន្ទីរពេទ្យដែលធ្វើការនៅក្នុងសេវាសុខភាព និងថែទាំមនុស្សចាស់ជាជាងករណីទាំងអស់ដែលអាចកើតមាន។ អ្នកដែលមានរោគសញ្ញាដូចជំងឺផ្តាសាយត្រូវបានគេណែនាំឱ្យស្នាក់នៅផ្ទះរហូតដល់ពួកគេមិនមានរោគសញ្ញាយ៉ាងហោចណាស់ពីរថ្ងៃដោយមិនចាំបាច់ស្វែងរកការធ្វើតេស្តទេ។
ប្រទេសស៊ុយអែតបដិសេធក្នុងការដាក់បម្រាមទូទាំងប្រទេសយ៉ាងតឹងរឹងដើម្បីបន្ថយការរីករាលដាលនៃជំងឺរាតត្បាតនេះ។ ទន្ទឹមនឹងនេះ ចំនួនករណីឆ្លងវីរុសកូរ៉ូណារួមទាំងចំនួនអ្នកស្លាប់ជាលទ្ធផលគឺខ្ពស់ជាងបណ្តាប្រទេសណ័រឌីកដែលជាមូលហេតុដែលយុទ្ធសាស្រ្តនេះបង្កឱ្យមានការជជែកវែកញែក និងការរិះគន់ខ្លាំង។
មនុស្សសរុបចំនួន ១២៥៤០ នាក់ធ្វើតេស្ត៍វិជ្ជមានសម្រាប់មេរោគកូវីដ១៩ នៅក្នុងប្រទេសស៊ុយអែត ហើយអ្នកជំងឺ ១៣៣៣ នាក់ស្លាប់។ តាមរយៈការប្រៀបធៀបដាណឺម៉ាក និងន័រវែសមានចំនួន ៦៨៧៩ និង ៦៧៩១ ករណីរៀងៗខ្លួន ហើយវាមានអ្នកស្លាប់តិចជាង។
កាលពីថ្ងៃអង្គារនេះ ក្រុមអ្នកស្រាវជ្រាវ ២២ នាក់សរសេរអត្ថបទមួយនៅក្នុងកាសែត Dagens Nyheter ដោយចង្អុលបង្ហាញថា ប្រទេសស៊ុយអែតមានករណីកូវីដ១៩ ចំនួន ១០ ដង ខណៈពេលដែលប្រទេសហ្វាំងឡង់ដែលនៅជិតខាងនោះប្រកាន់ខ្ជាប់នូវច្បាប់ដាក់មនុស្សអោយនៅដាច់ដោយឡែក និងការបិទអាជីវកម្មជាច្រើនទៀត និងហាមឃាត់ការជួបជុំសាធារណៈផងដែរ។ ពួកគេអះអាងថាឥឡូវនេះរដ្ឋាភិបាលត្រូវតែបោះជំហានទៅមុខនិងអនុវត្តនូវវិធានការរហ័សបន្ថែមទៀតដើម្បីប្រយុទ្ធប្រឆាំងនឹងជំងឺនេះ៕
ប្រភព RT ចុះផ្សាយថ្ងៃទី ១៧ ខែមេសា ឆ្នាំ ២០២០
