លោក Scott Morrison នាយករដ្ឋមន្ត្រីបាននិយាយកាលពីថ្ងៃសុក្រថា អូស្ត្រាលីនឹងបន្ធូរបន្ថយការរឹតត្បិតគម្លាតសង្គមក្នុងដំណើរការបីដំណាក់កាល។
ទីក្រុងកង់បេរ៉ាមានបំណងដកចេញនូវការទប់ស្កាត់ភាគច្រើននៅត្រឹមខែកក្កដា និងធ្វើឱ្យមនុស្សជិតមួយលាននាក់អាចធ្វើការវិញ ចំពេលមានការថយចុះនៃករណីឆ្លងកូរ៉ូណាវីរុសនេះ។
ប្រទេសនេះកាលពីខែមីនាបានដាក់កម្រិតគម្លាតសង្គមយ៉ាងតឹងរ៉ឹង ដែលត្រូវបានភ្ជាប់ជាមួយនឹងការបិទព្រំដែនផងដែរ។ ជាមួយនឹងការឆ្លងថ្មីតិចជាង ២០ក្នុងមួយថ្ងៃនោះ លោក Morrison និយាយថារដ្ឋជាច្រើន និងដែនដីជាច្រើននៅក្នុងប្រទេសអូស្ត្រាលីកាលពីថ្ងៃសុក្រ បានព្រមព្រៀងលើផែនទីបង្ហាញផ្លូវដើម្បីលុបចោលនូវការរឹតត្បិតជាច្រើននោះ។
វាអាស្រ័យលើរដ្ឋ និងដែនដីរបស់អូស្ត្រាលីក្នុងការសម្រេចថា ពេលណាត្រូវចាប់ផ្តើមអនុវត្តដំណាក់កាលនីមួយ។ ជំហាននីមួយៗទំនងជានឹងត្រូវបានបំបែកដោយការផ្លាស់ប្តូររយៈពេលជាបួនសប្តាហ៍។ រដ្ឋមួយចំនួនរួមមានរដ្ឋឃ្វីនឡែន និងអូស្ត្រាលីខាងត្បូងនិយាយថាពួកគេនឹងបន្ធូរបន្ថយការរឹតត្បិតចាប់ពីថ្ងៃច័ន្ទនេះ៕
ប្រភព RT ចុះផ្សាយថ្ងៃទី ៨ ខែឧសភា ឆ្នាំ ២០២០
