ភ្នំពេញ៖ នាព្រឹកថ្ងៃទី២១ ខែកក្កដា ឆ្នាំ២០២៦ វេលាម៉ោង ៩:០០ នាទី ឯកឧត្តម អ៉ឹង អៀង តំណាងដ៏ខ្ពង់ខ្ពស់ កិត្តិនីតិកោសលបណ្ឌិត ទេសរដ្ឋមន្ត្រី ឱម យ៉ិនទៀង អមដោយ ឯកឧត្តម ឈួន ចាន់ថន ឯកឧត្តម ចាន់ ពិសិដ្ឋ លោក សាយ ភីរុណ លោក ហង្ស វីរៈភាព និងលោក ឆាយ ពិសិដ្ឋ បានទទួលជួប និងប្រជុំពិភាក្សាជាមួយជំនាញការរបស់ទីភ្នាក់ងារថាមពលបរមាណូអន្តរជាតិ (IAEA) ដឹកនាំដោយ លោក Pacheco Ronald អមដោយអ្នកជំនាញចំនួន ៤រូប ក្នុងឱកាសបេសកកម្ម ផ្តល់ប្រឹក្សាយោបល់ស្តីពីរចនាសម្ព័ន្ធបទប្បញ្ញត្តិសម្រាប់សុវត្ថិភាពវិទ្យុសកម្ម និងសន្តិសុខនុយក្លេអ៊ែរ (Advisory Mission on Regulatory Infrastructure for Radiation Safety and Nuclear Security – RISS Mission) នៅលេខាធិការដ្ឋានគណៈកម្មាធិការជាតិប្រឆាំងភេរវកម្ម។
