ប្រទេសន័រវេសបានបញ្ឈប់សមយុទ្ធរដូវរងាររបស់អង្គការណាតូចំពេលមានការភ័យខ្លាចកាន់តែខ្លាំងឡើងចំពោះការរីករាលដាលនៃវីរុសកូរ៉ូណានេះ។ Cold Response 2020 ត្រូវបានគ្រោងធ្វើឡើងចាប់ពីថ្ងៃទី ២-១៨ ខែមីនានេះ ប៉ុន្តែប្រទេសន័រវេសកំពុងធ្វើសមយុទ្ធពហុប្រទេសនៅទីនេះជាមួយនឹងក្តីបារម្ភថា សមយុទ្ធនេះអាចធ្វើឱ្យកាន់តែធ្ងន់ធ្ងរដល់ការរីករាលដាលនៃជំងឺកូរ៉ូណាវីរុសនោះ។កាលពីសប្តាហ៍មុននេះ យោធាន័រវេសបានដាក់បុគ្គលិកចំនួន ១៣០០ នាក់នៅលើមូលដ្ឋានមួយនៅភាគខាងជើងនៃប្រទេសនេះ បន្ទាប់ពីទាហានម្នាក់បានធ្វើតេស្តិ៍ថាមានលទ្ធផលវិជ្ជមានសម្រាប់មេរោគវីរុសកូរ៉ូណានេះ។ ខណៈពេលដែលកងទ័ពអូតង់រាប់ពាន់នាក់បានរួចផុតពីសីតុណ្ហភាពត្រជាក់ជាច្រើនថ្ងៃនេះ ការធ្វើសមយុទ្ធនេះបង្ហាញសញ្ញាអំពីភាពតានតឹងជាច្រើននៅតំបន់អាក់ទិក ។កាលពីថ្ងៃអង្គារនេះ យោធាប៉ូឡូញបានប្រកាសថាប្រធានបុគ្គលិកទូទៅរបស់ខ្លួនបានឆ្លងវីរុសកូរ៉ូណានេះនេះបន្ទាប់ពីត្រឡប់មកពីកិច្ចប្រជុំណាតូនៅប្រទេសអាល្លឺម៉ង់។ អ្វីដែលគួរឱ្យហួសចិត្តនោះ មេបញ្ជាការជាន់ខ្ពស់ និងសហការីណាតូរបស់គាត់ត្រូវបានគេរាយការណ៍ថាបានពិភាក្សាពីវិធីដើម្បីការពារការរីករាលដាលនៃការឆ្លងមេរោគកូរ៉ូណាវីរុសនេះក្នុងកំឡុងពេលកិច្ចប្រជុំកំពូលផងដែរ។អង្គការណាតូនៅតែឆ្ពោះទៅមុខជាមួយនឹងសមយុទ្ធ Defender-Europeនាពេលខាងមុខនេះ ប៉ុន្តែវាមានការត្អូញត្អែររួចទៅហើយថា សមយុទ្ធនេះប្រហែលជាត្រូវធ្វើឱ្យមានការរីករាលដាលកាន់តែខ្លាំងដោយសារតែវីរុសកូរ៉ូណានេះ។ កាលពីសប្តាហ៍មុននេះ បញ្ជាការអឺរ៉ុបសហរដ្ឋអាមេរិកបិទសមយុទ្ធការពារដែនអាកាសនៅអ៊ីស្រាអែលជុំវិញការភ័យខ្លាចនៃវីរុសនេះ៕
ប្រភព RT ចុះផ្សាយថ្ងៃទី ១១ ខែមីនា ឆ្នាំ ២០២០
