ឯកឧត្តម ឈួន ចាន់ថន អនុប្រធាន លគជបភ បានទទួលជួបសំដែងការគួរសម និងពិភាក្សាជាមួយតំណាងស្ថានទូតសហរដ្ឋអាមេរិក

ថ្ងៃពុធ ៦រោច ខែអស្សុជ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៣ ខែតុលា ឆ្នាំ២០២៤ លេខាធិការដ្ឋាននៃគណៈកម្មាធិការជាតិប្រឆាំងភេរវកម្មដឹកនាំដោយ ឯកឧត្តម ឈួន ចាន់ថន អនុប្រធាន លគជបភ តំណាងដ៏ខ្ពង់ខ្ពស់ ឯកឧត្តមកិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្ត្រី និងជាអនុប្រធាន លគជបភ អមដោយ លោកជំទាវ យ៉ិនទៀង ពុទ្ធិរស្មី ឯកឧត្តម ហង់ ផល្លា លោក សាយ ភីរុណ លោក ម៉ី សាម៉ុន លោកស្រី ហង្ស វីរៈលក្ខិណា និងលោក ហង្ស វីរៈភាព បានទទួលជួបសំដែងការគួរសម និងពិភាក្សាជាមួយ តំណាងស្ថានទូតសហរដ្ឋអាមេរិក ដឹកនាំដោយ លោក Lewis Pyrtle ជាទីប្រឹក្សាតំបន់គម្រោង EXBS លោកស្រី ឈាវ សុភាព អ្នកជំនាញគម្រោង EXBS លោក Jay Nash អ្នកជំនាញគម្រោង EXBS និងលោក George Tan អ្នកជំនាញគម្រោង EXBS ដោយការពិភាក្សាបានផ្តោតទៅលើការគ្រប់គ្រងទំនិញយុទ្ធសាស្ត្រ។