នាព្រឹកថ្ងៃព្រហស្បតិ៍ ២រោច ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៥ ខែមីនា ឆ្នាំ២០២៦ ល.គ.ជ.ប.ភ. ក្រុមការងារដឹកនាំដោយ ឯកឧត្តម ប៉ឹល ច័ន្ទវីរៈ សមាជិក ល.គ.ជ.ប.ភ. តំណាងដ៏ខ្ពង់ខ្ពស់ឯកឧត្តមកិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្ត្រី អនុប្រធានលេខាធិការដ្ឋាន គ.ជ.ប.ភ. បន្តសកម្មភាពបញ្ជ្រាបការយល់ដឹងអំពីសៀវភៅផែនការជាតិប្រឆាំងភេរវកម្មដល់គណៈអភិបាល មន្ត្រីរាជការ កងកម្លាំងទាំង៣ ក្រុមប្រឹក្សាឃុំ និងអង្គភាពចំណុះរដ្ឋបាលស្រុកកំពង់លែង។ កម្មវិធីនេះក៏មានការអញ្ជើញចូលរួមពី ឯកឧត្តម ជា សុខរិទ្ធិ អភិបាលរង នៃគណៈអភិបាលខេត្តកំពង់ឆ្នាំង។
ការផ្សព្វផ្សាយ និងការបញ្ជ្រាប “សៀវភៅផែនការជាតិប្រឆាំងភេរវកម្ម” ដល់កម្រិតមូលដ្ឋាន គឺជាកិច្ចការដ៏មានសារៈសំខាន់បំផុត ដើម្បីពង្រឹងសន្តិសុខជាតិ និងការការពារសហគមន៍ឱ្យមានប្រសិទ្ធភាព៕
