បន្ទាប់ពីធ្វើការចុះផ្សព្ធផ្សាយអំពីសៀវភៅផែនការជាតិប្រឆាំងភេរវកម្មក្នុងខេត្តចំនួន២ កាលពីខែកញ្ញារួចមក ក្នុងខែតុលានេះ ក្រុមការងារនៃ លគជបភ បានបន្តអនុវត្តការងារនេះជាបន្តទៀតនៅក្នុងខេត្តរតនគីរី ហើយគោលបំណងសំខាន់នៃការចុះអនុវត្តនេះគឺ បង្កើននូវការយល់ដឹង និងបង្កើនប្រសិទ្ធិភាពនៃកិច្ចសហប្រតិបបត្តិការរួមរវាងស្ថាប័ន មន្ទីរពាក់ព័ន្ទនានាចំណុះ ខេត្ត ក្នុងការបង្កា ការពារ ឆ្លើយតប និងស្តារ ស្ថានភាពឡើងវិញ ក្នុងខបទូវហេតុភេរវកម្មនោះ លេខាធិការដ្ឋាននៃគណៈ កម្មាធិការជាតិប្រឆាំងភេរវកម្មបានចុះផ្សព្វផ្សាយ និងបញ្ជ្រៀបការយល់ដឹងពី សៀវភៅផែនការជាតិប្រឆាំងភេរវកម្ម ស្របតាមផែនការសកម្មភាពរបស់ខ្លួន សំរាប់ឆ្នាំ ២០១៣-២០១៤ ក្នុងការសំរេចឲ្យបានដល់គោលដៅទាំង២៤ រាជធានី / ខេត្ត នៅក្នុងព្រះរាជាណាចក្រកម្ពុជា។
១. សំរាប់ខេត្តរតនគីរី លេខាធិការដ្ឋាននៃគណៈកម្មាធិការជាតិប្រឆាំងភេរវកម្ម ដឹកនាំដោយឯកឧត្តម អ៊ឹង អៀង តំណាងដ៏ខ្ពង់ខ្ពស់របស់ឯកឧត្តម ទេសរដ្ឋមន្ត្រី ឳម យ៉ិនទៀង អនុប្រធានលេខាធិការដ្ឋាននៃគណៈកម្មាធិការជាតិប្រឆាំងភេរវកម្ម អមដំណើរដោយ
- លោក ស សេរីវិចិត្រ ប្រធាននាយកដ្ឋានការពារហេដ្ឋារចនាសម្ព័ន្ធ
- លោក ញ៉ែម សុដែឡា ប្រធាននាយកដ្ឋានរដ្ឋបាល និង ហិរញ្ញវត្ថុ
- លោក ពៅ វិទូ អនុប្រធានការិយាល័យការពារហេដ្ឋារចនាសម្ព័ន្ធទី២ នៃនាយកដ្ឋានការពារហេដ្ឋារចនាសម្ព័ន្ធ
បានចុះផ្សព្វផ្សាយ និងបញ្ជ្រៀបការយល់ដឹងពី សៀវភៅផែនការជាតិប្រឆាំងភេរវកម្មនេះនៅថ្ងៃទី២១ ខែតុលា ឆ្នាំ២០១៣ ដែលមានការចូលរួមពីឯកឧត្តម ប៉ាវ ហមផាន អភិបាលខេត្តរតនគីរី រួមទាំងឯកឧត្តម អស់លោក លោកស្រី ជាមន្ត្រីទុទូកាល័យ ប្រធានមន្ទីពាក់ព័ន្ធនានាចំណុះខេត្តក៏ដូចជាតំណាងពីស្នងការដ្ឋាននគរបាលខេត្ត កងរាជអាវុធហត្ថ បញ្ជាការតំបន់ប្រតិបត្តិការសិករងខេត្ត សាខាតយ និង រដ្ឋាករ សាខាពន្ឋដារ និង អង្គភាពនានាជាច្រើនទៀត។
