ខេត្តមណ្ឌគីរីគឺជាខេត្តទី៤ ហើយដែលទទួលបានការចុះផ្សព្វផ្សាយពីសំណាក់ក្រុមការងាររបស់ លគជបភ ដែលដឹកនាំដោយឯកឧត្តម អ៊ឹង អៀង តំណាងដ៏ខ្ពង់ខ្ពស់របស់ឯកឧត្តម ទេសរដ្ឋមន្ត្រី ឳម យ៉ិនទៀង អនុប្រធានលេខាធិការដ្ឋាននៃគណៈកម្មាធិការជាតិប្រឆាំងភេរវកម្ម។ គោលបំណងសំខាន់នៃការចុះផ្សព្វផ្សាយនេះគឺដើម្បីបង្កើននូវការយល់ដឹង និងបង្កើនប្រសិទ្ធិភាពនៃកិច្ចសហប្រតិបបត្តិការរួមរវាងស្ថាប័ន មន្ទីរពាក់ព័ន្ទនានាចំណុះ ខេត្ត ក្នុងការបង្កា ការពារ ឆ្លើយតប និងស្តារ ស្ថានភាពឡើងវិញ ក្នុងខបទូវហេតុភេរវកម្មនោះ លេខាធិការដ្ឋាននៃគណៈ កម្មាធិការជាតិប្រឆាំងភេរវកម្មបានចុះផ្សព្វផ្សាយ និងបញ្ជ្រៀបការយល់ដឹងពី សៀវភៅផែនការជាតិប្រឆាំងភេរវកម្ម ស្របតាមផែនការសកម្មភាពរបស់ខ្លួន សំរាប់ឆ្នាំ ២០១៣-២០១៤ ក្នុងការសំរេចឲ្យបានដល់គោលដៅទាំង២៤ រាជធានី / ខេត្ត នៅក្នុងព្រះរាជាណាចក្រកម្ពុជា។
ក្នុងពិធីផ្សព្វផ្សាយនោះក៏មានការអញ្ជើញ អមដំណើរដោយ
- លោក ស សេរីវិចិត្រ ប្រធាននាយកដ្ឋានការពារហេដ្ឋារចនាសម្ព័ន្ធ
- លោក ញ៉ែម សុដែឡា ប្រធាននាយកដ្ឋានរដ្ឋបាល និង ហិរញ្ញវត្ថុ
- លោក ពៅ វិទូ អនុប្រធានការិយាល័យការពារហេដ្ឋារចនាសម្ព័ន្ធទី២ នៃនាយកដ្ឋានការពារហេដ្ឋារចនាសម្ព័ន្ធ
ពិធីផ្សព្វផ្សាយ និងបញ្ជ្រៀបការយល់ដឹងពី សៀវភៅផែនការជាតិប្រឆាំងភេរវកម្មនេះនាថ្ងៃទី២២ ខែតុលា ឆ្នាំ២០១៣ ដែលមានការចូលរួមពីឯកឧត្តម អេង ប៊ុនហៀង អភិបាលខេត្តមណ្ឌលគីរី រួមទាំងឯកឧត្តម អស់លោក លោកស្រី ជាមន្ត្រីទុទូកាល័យ ប្រធានមន្ទីពាក់ព័ន្ធនានាចំណុះខេត្តក៏ដូចជាតំណាងពីស្នងការដ្ឋាននគរបាលខេត្ត កងរាជអាវុធហត្ថ បញ្ជាការតំបន់ប្រតិបត្តិការសិករងខេត្ត សាខាពន្ឋដារ និង អង្គភាពនានាជាច្រើនទៀត។ ក្នុងឪកាសនោះផងដែរ ឯឧត្តម អភិបាលខេត្ត បានធ្វើការសំណូមពរឲ្យ លគជបភ គួរបន្តការចុះធ្វើការផ្សព្វផ្សាយបន្ថែមទៀត ដែលអាចជាលក្ខណៈជាសមយុទ្ធ ដូចនៅខេត្តព្រះសីហនុ តែទោះទ្រង់ទ្រាយតូចក៏បានដែរ៕
