ភ្នំពេញៈ នារសៀលថ្ងៃទី ០៩ ខែឧសភា ឆ្នាំ២០១៤ នៅលេខាធិការដ្ឋានគណៈកម្មាធិការជាតិប្រឆាំងភេរវកម្ម (ទីតាំងទ័ពអាកាស) បានប្រារព្ធពិធីបិទវគ្គសិក្សាស្តីអំពីការឆ្លើយតបទៅនឹងការគំរាមកំហែងពីសារធាតុគីមី ជីវសាស្រ្ត វិទ្យុសកម្ម និងនុយក្លេអ៊ែរ ដែលបានដំណើរការទៅអស់រយៈពេល ៥ថ្ងៃកន្លងមក ក្រោមអធិបតីភាព ឯកឧត្តម អ៊ឹង អៀង តំណាងដ៏ខ្ពង់ខ្ពស់របស់ឯកឧត្តមទេសរដ្ឋមន្រ្តី ឱម យ៉ិនទៀង អនុប្រធានលេខាធិការដ្ឋាន គ.ជ.ប.ភ និងមានសិក្ខាកាមមកពីអង្គភាពនានាជាច្រើនរូបទៀត។
នៅចុងបញ្ចប់នៃវគ្គនេះ គ្រូបង្រៀនបានឲ្យសិក្ខាកាមធ្វើតេស្តវាស់ស្ទង់ចំណេះដឹង វគ្គបណ្តុះបណ្តាលសម្រាប់មេបញ្ជាការនៅកន្លែងកើតហេតុ។ ជាលទ្ធផលសិក្ខាកាមទាំងអស់គឺទទួលបានពិន្ទុល្អដែលបង្ហាញឲ្យឃើញពីចំណេះដឹងក្នុងការខិតខំប្រឹងប្រែងរៀនសូត្រនាពេលកន្លងមក។
ក្នុងឱកាសនោះដែរ ឯកឧត្តម អ៊ឹង អៀង បានថ្លែងអំណរគុណដល់លោកគ្រូ អ្នកគ្រូ ដែលបានចំណាយពេលវេលាដ៏មានតម្លៃក្នុងការខិតខំបង្រៀន និងកោតសរសើរដល់សិក្ខាកាមទាំងអស់ដែលបានខិតខំរៀនសូត្រ ហើយទទួលបានលទ្ធផលល្អគួរជាទីពេញចិត្ត។
បន្ទាប់មក ឯកឧត្តមក៏បានអញ្ជើញជាអធិបតីក្នុងពិធីចែកសញ្ញាប័ត្រជូនដល់ សិក្ខាកាមក្នុងបរិយាកាសរីករាយជាទីបំផុត។
