ភ្នំពេញ៖ នៅគណៈកម្មាធិការជាតិប្រឆាំងភេរវកម្ម ទីតាំងអគ្គស្នងការដ្ឋាននគរបាលជាតិ នៅរសៀលថ្ងៃទី ១២ ខែ តុលា ឆ្នាំ ២០១៤ បានរៀបចំបើកវគ្គបណ្តុះបណ្តាលផ្ទៃក្នុងមួយ ស្តីពីការសិក្សាស្វែងយល់អំពីកម្មវិធី Microsoft Web Development ជូនដល់សិក្ខាកាមដែលជាមន្រ្តី កំពុងបំរើការងារនៅក្នុងនាយកដ្ឋានព័ត៌មានបច្ចេកវិទ្យា នៃលេខាធិការដ្ឋាន គ.ជ.ប.ភ ។ សូមបញ្ជាក់ថា វគ្គបណ្តុះបណ្តាលផ្ទៃក្នុង ស្តីពីការសិក្សាស្វែងយល់ពីកម្មវិធី Microsoft Web Development នេះ គឺមានរយៈពេល ០៤សប្តាហ៍ ដោយសិក្សានៅរៀងរាល់ថ្ងៃអាទិត្យ ចាប់ពីថ្ងៃទី ១២ ខែ តុលា ឆ្នាំ ២០១៤ រហូតដល់ថ្ងៃទី ០២ ខែ វិច្ឆិកា ឆ្នាំ ២០១៤ ចាប់ពីម៉ោង ១៤:០០រសៀល ដល់ម៉ោង ១៧:០០ល្ងាច ដោយមានការចូលរួមធ្វើបទបង្ហាញដោយ លោក ជួយ ជំនិត ជាគ្រូឧទ្ទេសនាម និងមានការចូលរួមសិក្សាស្វែងយល់ពីមន្រ្តីដែលជាកំពុងបំរើការងារនៅក្នុងការិយាល័យ Programing ចំនួន ០៨រូប និង ការិយាល័យ Security ចំនួន ០៣រូប ដែលជាសិក្ខាកាមអញ្ជើញមកពីនាយកដ្ឋានព័ត៌មានបច្ចេកវិទ្យានៃលេខាធិការដ្ឋាន គ.ជ.ប.ភ ។ គោលបំណងសំខាន់នៃវគ្គបណ្តុះបណ្តាលនេះ គឺចង់ឲ្យបង្ហាញឲ្យមន្រ្តីទាំងអស់ ដែលចូលរួមសិក្សានៅក្នុងវគ្គនេះ បានសិក្សាស្វែងយល់ និង បានយល់ដឹងពីងាយស្រួលនៃការប្រើប្រាស់បច្ចេកវិទ្យាថ្មី ងាយស្រួលក្នុងការអភិវឌ្ឍន៍ប្រព័ន្ធ (Develop System) ឲ្យលឿនជាងមុន និងមានសុវត្ថិភាពខ្ពស់សម្រាប់ការប្រើប្រាស់ ៕ (គល់ សេងហាក់)
