ភ្នំពេញ ៖ កាលពីរសៀលថ្ងៃទី ០៣ ខែ សីហា ឆ្នាំ ២០១៥ នៅលេខាធិការដ្ឋាន គ.ជ.ប.ភ (ទីតាំងមូលដ្ឋានទ័ពអាកាសពោធិ៍ចិនតុង) បានរៀបចំកិច្ចប្រជុំបូកសរុបការងារប្រចាំខែមិថុនា ក្រោមអធិបតីភាព ឯកឧត្តមឧត្តមសេនីយ៍ឯក គឹម នាន អនុប្រធានប្រចាំការលេខាធិការដ្ឋាន គ.ជ.ប.ភ ដោយមានការចូលរួមពីសមាជិក ប្រធាននាយកដ្ឋាន និងអនុប្រធាននាយកដ្ឋាន នៅក្នុងលេខាធិការដ្ឋាន ។ ថ្លែងបើកកិច្ចប្រជុំ ឯកឧត្តមឧត្តមសេនីយ៍ឯក គឹម នាន បានលើកឡើងពីរបៀបវារៈសំខាន់ៗ និងស្នើសុំឲ្យ ប្រធាននាយកដ្ឋាននីមួយៗ រាយការណ៍ពីសកម្មភាព និងសមិទ្ធិផលការងារ ដែលសំរេចបានរយៈពេលមួយខែកន្លងមក ក៏ដូចជាបញ្ហាផ្សេងៗ ។ នាយកដ្ឋាននីមួយៗបានធ្វើរបាយការណ៍ជូនអង្គប្រជុំ ហើយនៅក្នុងនោះដែលនាយកដ្ឋានព័ត៌មានបច្ចេកវិទ្យាក៏បានធ្វើបទបង្ហាញពីគម្រោង Intranet ផងដែរ ។
ឯកឧត្តមឧត្តមសេនីយ៍ឯក គឹម នាន បានផ្តល់អនុសាសន៍ ក៏ដូចជាជំរុញ និងលើកទឹកចិត្តដល់នាយកដ្ឋានទាំងអស់ឱ្យបន្តការខិតខំប្រឹងប្រែងយកចិត្តទុកដាក់ទៅលើការងារបន្ថែមទៀត រួមទាំងធ្វើផែនការសម្រាប់ការងារឆ្នាំ ២០១៦ និងឆ្នាំ ២០១៦-២០១៨ (រយៈពេលបីឆ្នាំ) ។
កិច្ចប្រជុំបានបញ្ចប់ទៅដោយក្តីសោមនស្សរីករាយ ៕
