ប្រភព័ត៌មានពី The New York Times ចុះផ្សាយថ្ងៃទី ៣០ ខែ សីហា ឆ្នាំ២០១៥
ប្រទេសសីរី៖ មួយអាទិត្យក្រោយពីទទួលបានរបាយការណ៍អំពីអន្តរាយដែលបានបង្កឡើងដោយក្រុមសកម្មប្រយុទ្ធអ៊ីស្លាម (Islamic State militants) ទៅលើទីក្រុងបុរាណនៃប៉ាលម៉ារ៉ាក្នុងប្រទេសស៊ីរី ក្រុមប្រយុទ្ធបានធ្វើឲ្យខូចខាតទៅលើព្រះវិហារ Baal យ៉ាងធ្ងន់នៅទីនោះ ដែលព្រះវិះហារមួយចាស់ជាងគេនិងមានវប្បធម៌សំខាន់ក្នុងតំបន់នោះ យោងតាមដំណឹងពីសកម្មជន។
ក្រុមសង្កេតសិទ្ធិមនុស្សរបស់ស៊ីរី (The Syrian Observatory for Human Rights) ដែលជាសកម្មជននិងជាក្រុមសង្កេតដែលមានមូលដ្ឋាននៅប្រទេសអង់គ្លេស បានប្រាប់កាលពីថ្ងៃអាទិត្យនេះថាក្រុមប្រយុទ្ធអ៊ីស្លាមបានកំទេចព្រះវិហារមួយដែលមានអាយុជិតពីរពាន់ឆ្នាំ។ អ្នករស់នៅប៉ាលម៉ៃរ៉ាម្នាក់ឈ្មោះ Nasser al-Thaer បានប្រាប់ទៅអ្នកកាសែត The Associated Press ថា “វាគឺជាការកំទេចទាំងស្រុង” ដោយបានបន្ថែមទៀតថា “វាជាការផ្ទុះមួយ ទោះជាអ្នកគថ្លង់ក៏អាចឮបានដែរ។” បើកដំណើរការក្នុង A.D. 32 សម្រាប់ឧទ្ទិសទៅដល់ព្រះ Semitic god Baal ព្រះវិហារនេះគឺជាប្រភពមោទនភាពមួយចំពោះជនជាតិស៊ីរីនិងឈរនៅមិនឆ្ងាយពីអគារផ្សេងគឺ ព្រះវិហារ Baslshamin ដែលបានរងការកំទេច។ ទូទាំងទីក្រុងបុរាណនៃប៉ាលម៉ារ៉ា ដែលកំពុងឈរក្នុងវាលខ្សាច់ប្រហែលជា 150 ម៉ាយល៍ភាគខាងជើង Damascus គឺជាបេតិកភណ្ឌពិភពលោករបស់អង្គការយូណេស្កូ (UNESCO World Heritage site)។
កាលពីសប្តាហមុន ក្រុមរដ្ឋអ៊ីស្លាម (Islam State) បានចេញរូបភាពឃោសនាដែលបង្ហាញអំពីការកំទេចនៃព្រះវិហារ Baalshamin។ យោងតាម Al Jazeera រូបភាពផ្កាយរណបក្នុងចន្លោះប៉ុន្មានថ្ងៃនេះបានបញ្ជាក់ថាមានការកំទេចនេះមែន។ ការវាយប្រហារក្នុងតំបន់នេះបានបន្តរហូតដល់ថ្ងៃអាទិត្យ ជាមួយក្រុមប្រយុទ្ធអ៊ីស្លាមកំពុងវាយប្រឆាំងជាមួយក្រុមប្រយុទ្ធផ្សេងទៀតក្នុងភាគខាងត្បូង Damascus យោងតាមកាសែត The Associated Press។ មានសកម្មប្រយុទ្ធច្រើនជាង២៤នាក់ត្រូវបានស្លាប់ក្នុងការវាយប្រហារនេះ យោងតាមក្រុមសង្កេតសិទ្ធិមនុស្សរបស់ស៊ីរី (The Syrian Observatory for Human Rights)។ ដោយវាបានរឹបអូសតំបន់ក្នុងប្រទេស៊ីរីនិងអ៊ីរ៉ាក់ ក្រុមរដ្ឋអ៊ីស្លាម (Islam State) បានវាយប្រហារទៅលើតំបន់ប្រវត្តិសាស្រ្តមួយចំនួននៅទីនោះ ដូចជាផ្ទុះគ្រាប់បែក និងកំទេចរូបសំណាកដែលត្រូវបានដាក់ហាមឃាតជាដាច់ខាតដោយក្រុមអ៊ីស្លាមជ្រុលនិយម។ បុរាណវិទូនិងអ្នកជំនាញបានពិចារណាលើការខាតបង់បុរាណវត្ថុទាំងអស់នេះជាការផ្សះផ្សាវិញមិនបាន។ “ខ្ញុំមានអារម្មណ៍ទន់ខ្សោយ និងមានទុទិដ្ឋិនិយមយ៉ាងខ្លាំង” លោក Maamoun Abdulkarim ដែលជាអគ្គនាយកនូវវត្ថុបុរាណរបស់ប្រទេសស៊ីរី បាននិយាយប្រាប់កាលពីសប្តាហមុនតាមការសំភាសន៍លើទូរស័ព្ទដើម្បីបំភ្លឺនៃការផ្ទុះលើព្រះវិហារ Baalshamin។ ជិតពីរសប្តាហមុនដែលក្រុមសកម្មប្រយុទ្ធបានសម្លាប់អ្នកថែរក្សាប្រាសាទបុរាណនោះ។ Khalid al-Asaad អាយុ ៨៣ឆ្នាំ ដែលជាអតីតនាយកវត្ថុបុរាណប៉ាលម៉ារ៉ា បានត្រូវកាត់ក្បាលនៅទីលានសាធារណៈនិង ខ្លួនគាត់ត្រូវគេដាក់ព្យួរចោលនៅលើបង្គោលភ្លើងស្តុប។ ក្រុមសកម្មប្រយុទ្ធបានដាក់ឲ្យកងកម្លាំងរដ្ឋាភិបាលឱ្យចាប់ប៉ាលម៉ារ៉ាក្នុងខែឧសភា។ អ្នករស់នៅប៉ាលម៉ារ៉ា ទាំងអ្នកគាំទ្រនិងអ្នកជំទាស់ប្រធានាធិបតី Bashar al-Assad បានរៀបរាប់ប្រាប់អំពីការបំពាក់មិនល្អទៅលើរដ្ឋាភិបាលក្នុងតំបន់និងកងកម្លាំង ដោយពួកគេភាគច្រើនបានរត់បាត់នៅពេលមានការវាយប្រហារ។
