ប្រភពព័ត៌មានពីបណ្តាញសារព័ត៌មាន CNN ចេញផ្សាយថ្ងៃទី ២៥ ខែ តុលា ឆ្នាំ ២០១៥ ៖
ស្នូរសំឡេងកាំភ្លើងបាញ់តគ្នាឥតឈប់ឈរ ក្រុមទាហានបានព្យាយាមរំដោះចំណាប់ខ្មាំងតាមបន្ទប់ងងិត។ ចំណាប់ខ្មាំងទាំងនោះគឺជើងទទេរ ដោយពួកគេភាគច្រើនពាក់អាវដៃវែង និងមានប្រលាក់ស្នាម។ សំឡេងបានស្រែកទៅកាន់ចំណាប់ខ្មាំងទាំងនោះអោយពួកគេប្រញាប់រត់ចេញក្នុងទីងងិត។
ឈុតឆាកដ៍គួរអោយរន្ឋត់នេះ គឺបានមកពីវីដេអូដែលបានបង្ហាញពីផ្នែកមួយនៃបេសកកម្មនៅភាគខាងជើងប្រទេសអ៊ីរ៉ាក់កាលពីថ្ងៃព្រហស្បតិ៍កន្លងទៅ ខណៈដែលកងកម្លាំងសហរដ្ឋអាមេរិក ឃើដ និងអ៊ីរ៉ាក់ បានរំដោះចំណាប់ខ្មាំងប្រហែលជា ៧០ នាក់ចេញពីពន្ធនាគារដែលគ្រប់គ្រងដោយក្រុម ISIS។ ការជួយសង្គ្រោះ និងរំដោះចំណាប់ខ្មាំងនេះ ដែលត្រូវបានមន្ទីរបញ្ចកោណបាននិយាយថានឹងត្រូវប្រឈម “ការសម្លាប់រង្គាល” ដែលបានធ្វើអោយទាហានសហរដ្ឋអាមេរិកម្នាក់បានបាត់បង់ជីវិតក្នុងប្រតិបត្ដិការនេះ។
គួរបញ្ជាក់ផងដែរថា សមាជិកម្នាក់នៃកងទ័ពសហរដ្ឋអាមេរិកលោក Wheeler គឺជាជនជាតិអាមេរិកដំបូងដែលបានស្លាប់នៅក្នុងការប្រយុទ្ធនៅប្រទេសអ៊ីរ៉ាក់ក្នុងរយៈពេលជិតបួនឆ្នាំនេះ។ ការស្លាប់របស់លោកបានលើកឡើងនូវសំណួរជាច្រើនពាក់ព័ន្ធនិងការចូលរួមរបស់សហរដ្ឋអាមេរិកក្នុងការប្រយុទ្ធប្រឆាំងនឹងក្រុម ISIS ៕
