ប្រភពព័ត៌មានពី Independent ចេញផ្សាយថ្ងៃទី ០៣ ខែ ធ្នូ ឆ្នាំ ២០១៥
អ្នកកាសែតជនជាតិបារាំងម្នាក់ដែលក្រុម ISIS ចាប់ជាចំណាប់ខ្មាំង អស់រយៈពេល ១០ ខែនោះ បាននិយាយអំពីការវាយប្រហារតាមអាកាសក្នុងប្រទេសស៊ីរី ដោយថាពួកគេរៀបចំអន្ទាក់សម្រាប់ប្រទេសអង់គ្លេសនិងសមាជិកផ្សេងទៀតនៃសហគមន៍អន្តរជាតិ។ ថ្លែងនៅក្នុងបទសម្ភាសជាមួយយុទ្ធនាការស៊ីរី លោក Nicolas Henin បានដាក់ចេញយុទ្ធសាស្រ្តរបស់លោកសម្រាប់ការប្រយុទ្ធប្រឆាំងនឹងក្រុមសកម្មប្រយុទ្ធនេះ តំបន់ដែលមិនត្រូវហោះហើរនៅក្នុងតំបន់ដែលកាន់កាប់ដោយគណបក្សប្រឆាំងក្នុងប្រទេសស៊ីរី។ លោក Henin ក៏បាននិយាយអំពីរបៀបដែលគេចាប់គាត់ និងឃុំខ្លួនអស់រយៈពេល ៧ ឆ្នាំនៅប្រទេសស៊ីរី ព្រមទាំងអំពីជនជាតិអង់គ្លេសលោក Mohammed Emwazi ដែលគេស្គាល់ថាជា Jihadi John ដែលស្ថិតក្នុងចំណោមឆ្មាំគុក ដែលបានធ្វើទារុណកម្មលើរាងកាយនិងផ្លូវចិត្តលើគាត់។ គាត់និយាយថា ការវាយប្រហារមកលើក្រុម ISIS គឺជាអន្ទាក់។ អ្នកឈ្នះសង្រ្គាមនេះនឹងមិនមែនជាអ្នកដែលមានសព្វាវុថ្មីបំផុត ថ្លៃបំផុត ឬទំនើបបំផុតនោះទេ តែជាអ្នកដែលអាចយកឈ្នះលើមនុស្សរបស់ខ្លួនបាន។ ជាឧទាហរណ៍អំពីរបៀបដែលសហគមន៍អន្តរជាតិបានឆ្លើយតប។ គាត់បានរៀបរាប់អំពីការកើនឡើងថ្មីៗនៃវិបត្តិជនភៀសខ្លួន និងការផ្តល់ជូនពិសេសពីអឺរ៉ុបនូវទីជម្រកសម្រាប់ជនភៀសខ្លួនម៉ូស្លីម។ លោកបាននិយាយថា៖ ជនភៀសខ្លួនរាប់រយរាប់ពាន់នាក់ បានភៀសខ្លួនចេញពីទឹកដីមូស្លីមដូចជាក្តីសុបិន្តមួយរបស់ក្រុម ISIS តើនេះសន្មត់ថាជាអ៊ីស្រាអែលរបស់ពួកគេ? ហើយភៀសខ្លួនចេញពីទឹកដីនោះទៅកាន់ទឹកដីនៃអ្នកដែលមិនជឿ? លោកបន្តថា៖ នេះជាមូលហេតុដែលពួកគេព្យាយាមរៀបចំក្នុងអំឡុងពេលការវាយប្រហារនៅទីក្រុងប៉ារីសនោះ ដើម្បីឱ្យយើងបិទច្រកព្រំដែន ហើយសំខាន់ជាងនេះទៀតនោះ គឺបិទការគិតរបស់យើង។ លោក Henin បាននិយាយថា ការបំផ្ទុះគ្រាប់បែកលើសម្ព័ន្ធក្រុមចម្រុះ មិនបានធ្វើឱ្យប៉ះពាល់ដល់ពួកសកម្មប្រយុទ្ធនោះទេ តែជាការជំរុញឱ្យប្រជាជនចូលទៅក្នុងដៃរបស់ក្រុម ISIS។ អ្វីដែលយើងត្រូវធ្វើ ហើយដែលជាគន្លឹះពិត គឺយើងត្រូវទាក់ទងប្រជាជនក្នុងស្រុក។ ខណៈដែលប្រជាជនមានក្តីសង្ឃឹមសម្រាប់ដំណោះស្រាយនយោបាយហើយនោះក្រុមឧទ្ទាមរដ្ឋអ៊ីស្លាមនឹងដួលរលំ។ មានវិធីងាយស្រួលក្នុងការធ្វើឱ្យក្រុម ISIS បាត់បង់ទឹកដីយ៉ាងឆាប់រហ័ស។ សហគមន៍អន្តរជាតិត្រូវតែសម្រេចថារាល់តំបន់ដែលកាន់កាប់ដោយក្រុមប្រឆាំងស៊ីរីទាំងអស់ គឺជាតំបន់គ្មានការហោះហើរ។ តំបន់គ្មានការហោះហើរសម្រាប់ទាំងអស់គ្នា។ គ្មានការហោះហើរសំរាប់ក្រុមចម្រុះ គ្មានការហោះហើរសំរាប់រុស្ស៊ី គ្មានការហោះហើរសំរាប់នរណាម្នាក់។ ការផ្ដល់សន្ដិសុខសម្រាប់មនុស្ស (នៅទីនោះ) នឹងក្លាយជាគ្រោះមហន្តរាយសម្រាប់ក្រុម ISIS។ នេះជាអ្វីដែលសហគមន៍អន្តរជាតិគួរតែផ្តោតសំខាន់ទៅលើ។ លោកបានបន្ថែមទៀតថា៖ ហេតុអ្វីបានជាយើងធ្វើឱ្យមានកំហុសច្រើនយ៉ាងនេះ? ហេតុអ្វីបានជាមនុស្សភាគច្រើនមានការយល់ច្រឡំលើទស្សនៈវិស័យរបស់ក្រុម ISIS? ផ្ទុយទៅវិញ យើងកំពុងតែជំរុញ បំពេញបន្ថែមដល់សត្រូវរបស់យើង តែផ្តល់គ្រោះមហន្តរាយនិងទុក្ខវេទនាដល់ប្រជាជនក្នុងតំបន់នេះ។
