![Civilians, who fled from Al-Shirqat, because of Islamic State violence, gather on the outskirts of Al-Shirqat, south of Mosul](https://nctc.gov.kh/wp-content/uploads/2016/06/152662016_2016-06-26T094817Z_2138206458_S1BETMCJLPAA_RTRMADP_3_MIDEAST-CRISIS-IRAQ-FALLUJA-696x464.jpg)
ប្រភពព័ត៌មានពីNRTV ចេញផ្សាយថ្ងៃទី ២៦ ខែមិថុនា ឆ្នាំ២០១៦
កងកម្លាំងសន្តិសុខអ៊ីរ៉ាក់ បានចេញផ្សាយវីដេអូនៃក្រុមគ្រួសារដែលរត់ភៀសខ្លួនពីក្រុមសកម្មជនរដ្ឋអ៊ីស្លាមនៅ ភាគខាងត្បូងនៃទីក្រុងម៉ូសុល។ក្រុមគ្រួសាជាច្រើនជំនាន់ បានរត់ភៀសខ្លួនចេញពីតំបន់ ស្សាកាត់ ចម្ងាយប្រមាណ 80 គីឡូម៉ែត្រ ពីទីក្រុង ដើម្បីស្វែងរកជំនួយពីកងកម្លាំងសន្តិសុខអ៊ីរ៉ាក់។វីដេអូដែលបានចេញផ្សាយដោយកងកម្លាំងសន្តិសុខ ហាស្សិដ ស្សាអាប៊ី បានបង្ហាញថា គ្រួសារជាច្រើន កំពុងត្រូវបានដឹកដោយកងទ័ពនិងកងកម្លាំងផ្សេងទៀត ឆ្ពោះទៅខេត្ត ទីក្រិត។ អ្នកសម្របសម្រួលមនុស្សជាតិសម្រាប់ប្រទេសអ៊ីរ៉ាក់ របស់អង្គការសហប្រជាជាតិ បានឱ្យដឹងថា ការវាយលុកយោធានៅអ៊ីរ៉ាក់ នាពេលខាងមុខ ប្រឆាំងនឹងក្រុមរដ្ឋអ៊ិស្លាម រួមទាំងការវាយប្រហារលើទីក្រុងភាគខាងជើងនៃទីក្រុងមូស៊ុល អាចធ្វើអោយមនុស្សយ៉ាងហោចណាស់ 2,3 លាននាក់ផ្លាស់ទីលំនៅ។យោងតាមអង្គការសហប្រជាជាតិបានអោយដឹងថា មនុស្ស 3,4 លាននាក់នាក់ នៅទូទាំងប្រទេសអ៊ីរ៉ាក់ ត្រូវបានបង្ខំដោយជម្លោះឱ្យចាកចេញពីលំនៅដ្ឋានរបស់ពួកគេ។