ស្ថិតិរបស់និយតករទូរគមនាគមន៍របស់ប្រទេសបង់ក្លាដេសបង្ហាញនៅពេលថ្មីៗនេះថាក្រោយពីចំនួនអ្នកប្រើប្រាស់បណ្តាញអ៊ីនធឺរណិតថ្មីមានចំនួនជិត៧លាននាក់ក្នុងរយៈពេល៧ខែដំបូងនៃឆ្នាំនេះ(២០២០)ចំនួនអ្នកប្រើប្រាស់បណ្តាញអ៊ីនធឺរណិតសរុបបានកើនឡើងដល់ចំនួន ១០៦លាននាក់នៅចុងខែកក្កដា។
ទិន្នន័យរបស់គណៈកម្មាធិការនិយ័តករទូរគមនាគមន៍បង់ក្លាដែស (BTRC) បានបង្ហាញថាចំនួនអតិថិជននៅក្នុងប្រទេសបានកើនដល់ចំនួន១០៦,៤១០លាននាក់ក្នុងខែកក្កដា។ ក្នុងចំណោមអតិថិជនសរុប ទិន្នន័យ BTRC បង្ហាញថា មានអ្នកប្រើប្រាស់បណ្តាញអ៊ីនធឺរណិតចល័តចំនួន៩៧,៨៤០លាននាក់ និងអ្នកប្រើប្រាស់អ៊ីនធឺណិតល្បឿនលឿន ៨,៥៧លាននាក់នៅក្នុងប្រទេសបង់ក្លាដែស។
ចំនួនអ្នកប្រើប្រាស់ទូរស័ព្ទចល័តសរុបរបស់ប្រទេសនេះមានចំនួន ១៦៤,២៨២ លាននាក់នៅចុងខែកក្កដា។ សូមរំលឹកផងដែរថា បច្ចុប្បន្នប្រទេសបង់ក្លាដែសមានក្រុមហ៊ុនទូរស័ព្ទចល័តចំនួន ៤ ក្នុងនោះមានក្រុមហ៊ុនចំនួន០៣ ជាប្រតិបត្តិករទូរស័ព្ទចល័តមានការគាំទ្រពីបរទេស៕
ប្រែសម្រួល៖ប៉ោក លក្ខិណា
ប្រភពពត៌មាន Xinhua ចុះផ្សាយថ្ងៃទី២០ ខែកញ្ញា ឆ្នាំ២០២០
