ក្រសួងដឹកជញ្ជូនបាននិយាយថាក្រុមហ៊ុន Hyundai Motor Co គ្រោងនឹងប្រមូលមកវិញនូវរថយន្តអគ្គិសនី Kona និងរថយន្ត Nexo សរុបចំនួន ៥០.៨៦៤ គ្រឿងនៅក្នុងកូរ៉េខាងត្បូងដោយសារប្រព័ន្ធហ្វ្រាំងមានបញ្ហា។ ក្រសួងបាននិយាយថាប្រព័ន្ធហ្វ្រាំងរបស់ពួកគេប្រហែលជាមិនដំណើរការទេដោយសារបញ្ហាកម្មវិធី Software របស់វា។
គេមិនទាន់ដឹងច្បាស់ទេថា ការប្រមូលរថយន្តនេះមកវិញនឹងប៉ះពាល់ដល់ទីផ្សារផ្សេងទៀតឬយ៉ាងណា។ Kona គឺជារថយន្តលក់ដាច់បំផុតមួយនៅអឺរ៉ុប ហើយការលក់របស់ពួកគេនៅខាងក្រៅទីផ្សារផ្ទះមានចំនួនច្រើនជាងបីភាគបួននៃចំនួនសរុបផងដែរ។
ការប្រមូលមកវិញនូវរថយន្តនៅក្នុងប្រទេសកូរ៉េខាងត្បូងនឹងគ្របដណ្តប់លើរថយន្តអេឡិចត្រូនិច Kona និងរថយន្ត Hybrid អគ្គិសនីប្រមាណ ៤ ម៉ឺនគ្រឿងដែលផលិតនៅចន្លោះខែឧសភាឆ្នាំ ២០១៩ ដល់ខែវិច្ឆិកាឆ្នាំ ២០២០ និងរថយន្តប្រភេទ SUV ប្រភេទ Nexo ចំនួន ១០,១៣៨ គ្រឿងដែលផលិតនៅចន្លោះខែមករាឆ្នាំ ២០១៨ និងខែវិច្ឆិកាឆ្នាំ ២០២០ ។
ក្រសួងបាននិយាយថាសម្ព័ន្ធក្រុមហ៊ុន Kia Motors ក៏គ្រោងនឹងប្រមូលរថយន្តអេឡិចត្រូនិច Soul បន្ថែមចំនួន ១.៨៩៥ គ្រឿងដោយសារបញ្ហាស្រដៀងគ្នានេះដែរ។ ក្រុមហ៊ុន Hyundai ក៏កំពុងប្រមូលនូវរថយន្ត Kona EVs យ៉ាងហោចណាស់ចំនួន ៧៤.០០០ គ្រឿងរបស់ខ្លួននៅទូទាំងពិភពលោកបន្ទាប់ពីរថយន្តជាង ១០ គ្រឿងបានឆាបឆេះនៅប្រទេសកូរ៉េ កាណាដា និងអឺរ៉ុបក្នុងរយៈពេលជាង ២ ឆ្នាំនេះ៕
