ក្រុមហ៊ុនផលិតសូហ្វវែរដ៏ធំ និងល្បីឈ្មោះ Oracle បាននិយាយថា ខ្លួនកំពុងផ្លាស់ប្តូរទីស្នាក់ការកណ្ដាលទៅកាន់តំបន់អូស្ទីន (Austin) រដ្ឋតិចសាស់ ដោយប្ដូរពីទីក្រុង Redwood រដ្ឋកាលីហ្វ័រញ៉ា។
Oracle គឺជាក្រុមហ៊ុនបច្ចេកវិទ្យាចុងក្រោយគេបំផុតដែលចាកចេញពីតំបន់ Silicon Valley បន្ទាប់ពីការរីករាលដាលនៃជំងឺរាតត្បាតកូវីដ-១៩ បានធ្វើឱ្យមានការផ្លាស់ប្តូរទៅជាទម្រង់នៃការធ្វើការងារពីចម្ងាយដែលធ្វើឱ្យក្រុមហ៊ុនពិចារណាឡើងវិញលើតម្លៃប្រតិបត្តិការខ្ពស់ជាងមុននៅក្នុងកាលីហ្វ័រញ៉ា និងការយកពន្ធខ្ពស់ថែមទៀត។
ក្រុមហ៊ុន Oracle បាននិយាយនៅក្នុងឯកសារដែលកំណត់ដោយច្បាប់ថា បុគ្គលិកជាច្រើនអាចជ្រើសរើសទីតាំងការិយាល័យរបស់ពួកគេ ហើយជ្រើសរើសថាតើត្រូវធ្វើការពីផ្ទះ ធ្វើការក្រៅម៉ោង ឬធ្វើការពេញម៉ោង។ ក្រុមហ៊ុនដែលមានអាយុ ៤៣ ឆ្នាំនេះបាននិយាយថា “យើងជឿជាក់ថាជំហរទាំងនេះល្អបំផុតសម្រាប់ក្រុមហ៊ុន Oracle ក្នុងការលូតលាស់ និងផ្តល់ឱ្យបុគ្គលិករបស់យើងនូវភាពបត់បែនកាន់តែច្រើនអំពីកន្លែង និងរបៀបដែលពួកគេធ្វើការ” ។
Hewlett Packard Enterprise (HP) ដែលជាក្រុមហ៊ុនសាជីវកម្មដែលមានអាយុកាលរាប់ឆ្នាំមកហើយនោះលើកឡើងជាញឹកញាប់ដោយនិយាយកាលពីដើមខែនេះថា ខ្លួននឹងផ្លាស់ទីស្នាក់ការកណ្តាលរបស់ខ្លួនពីរដ្ឋកាលីហ្វ័រញ៉ាទៅរដ្ឋ Lone Star វិញ។ កាលពីដើមសប្តាហ៍នេះក្រុមហ៊ុនផលិតរថយន្តអគ្គិសនីរបស់លោក Elon Musk ក្រុមហ៊ុន Tesla ក៏បាននិយាយដែរថា គាត់បានផ្លាស់ប្តូរទីស្នាក់ការថ្មីទៅរដ្ឋតិចសាស់ហើយ៕
