សេវាកម្ម Livecoin Exchange ប្រកាសបិទក្រោយពីមានការបំពាននៅខែធ្នូ។ វេទិកាផ្តល់សេវាកម្មជួញដូរប្រកាសថា នឹងបិទសេវាកម្មរបស់ខ្លួន និងសងប្រាក់សំណងដល់អ្នកប្រើប្រាស់ដែលនៅសល់។
គួររំលឹកផងដែរថា ម៉ាស៊ីនមេរបស់ក្រុមហ៊ុន Livecoin រងការសម្របសម្រួលនៅខែមុន ហើយបាត់បង់ការគ្រប់គ្រងលើហេដ្ឋារចនាសម្ព័ន្ធរបស់ខ្លួន។ ដំបូង អ្នកវាយប្រហារបានកែប្រែអត្រាប្តូរប្រាក់ crypto ដោយបំប៉ោងអត្រាទាំងនោះទៅជាតួលេខមិនពិត។
ការវាយប្រហារនេះមានសក្តានុពលខ្លាំង ពីព្រោះអ្នកដែលនៅពីក្រោយការវាយប្រហារកំណត់អត្រាប្តូរប្រាក់សម្រាប់ bitcoin ទៅ $ 450,000 និងអត្រា Ethereum ដល់ $ 15,000 បើប្រៀបធៀបទៅនឹងតម្លៃធម្មតាគឺត្រឹមតែ $ 600 ។ ក្រោយមកទៀត ក្រុមហេគឃ័រចាប់ផ្តើមបើកគណនី ដោយទាញយក ប្រាក់ចំណេញនៅក្នុងដំណើរការនេះ។
ក្រុមហ៊ុនប្តូរប្រាក់បានប្រឹងប្រែងដើម្បីអាចគ្រប់គ្រងលើម៉ាស៊ីនមេដែលត្រូវ ហេគឃ័រលួច និងកែប្រែតម្លៃនោះឲ្យបាន ប៉ុន្តែអ្នកវាយប្រហារបានចាប់ផ្តើមប្រមូលគណនីរបស់អ្នកប្រើប្រាស់ជាមួយនឹងប្រាក់ចំណេញដ៏មហិមា។
ក្រុមហ៊ុន Livecoin ប្រកាសថា ក្រុមហ៊ុនទទួលការទាមទារប្រាក់សំណងរហូតដល់ថ្ងៃទី១៧ ខែមីនា ហើយក្រោយពីរយៈពេលនោះ ក្រុមហ៊ុននឹងពុំទទួលយកសំណើសងសំណងថ្មីណាមួយទៀតទេ។
ជាចុងក្រោយ ក្រុមហ៊ុនថែមទាំងព្រមានអំពីក្រុមសារក្លែងក្លាយ និងក្រុមផ្សព្វផ្សយផ្សេងទៀត(Channels) ដែលមានការចូលរួមជាក្រុមពីមនុស្សផ្សេងៗគ្នា ដោយនៅក្នុងក្រុមនោះមានបង្កប់ហេគឃ័រជាច្រើន។ ការចូលរួមនៅក្នុងក្រុមទាំងនោះ យើងអាចនឹងប្រឈមជាមួយហានិភ័យជាច្រើន ព្រោះតែយើងពុំស្គាល់ក្រុមទាំងនោះច្បាស់នោះទេ៕
ប្រែសម្រួល៖ ប៉ោក លក្ខិណា
ប្រភពព័ត៌មាន gbhackers ចុះផ្សាយថ្ងៃទី២០ ខែមករា ឆ្នាំ២០២១