អ្នកស្រាវជ្រាវផ្នែកសន្តិសុខតាមអ៊ីនធឺរណិតរាយការណ៍ថា នៅថ្ងៃសុក្រ ទី២២ខែមករា សប្តាហ៍មុនក្រុមហ៊ុន SonicWall ដែលជាក្រុមហ៊ុនផ្តល់សេវាអ៊ិនធឺរណិតដ៏មានប្រជាប្រិយភាពលើផលិតផល firewall និង VPN ក្លាយជាជនរងគ្រោះដោយសារការវាយប្រហារសម្របសម្រួលលើប្រព័ន្ធក្នុងរបស់ក្រុមហ៊ុន។
ក្រុមហ៊ុនដែលមានមូលដ្ឋាននៅទីក្រុង San Jose (ក្នុងរដ្ឋកាលីហ្វ័រញ៉ា) បញ្ជាក់ថា អ្នកគំរាមគំហែងបានធ្វើការវាយប្រហារទៅលើប្រព័ន្ធខាងក្នុងរបស់ក្រុមហ៊ុនដោយកេងចំណេញពីភាពងាយរងគ្រោះ zero-day លើផលិតផលសម្រាប់ការចូលប្រើប្រាស់បានពីចម្ងាយ។សូមបញ្ជាក់ថា ផលិតផលដែលចូលប្រើពីចម្ងាយទាំងនោះមានដូចជាម៉ាស៊ីនភ្ញៀវ NetExtender VPN ជំនាន់10.x និង Secure Mobile Access (SMA)។ បុគ្គលិកនៅក្នុងក្រុមហ៊ុនប្រើផលិតផលទាំងនេះដើម្បីសម្រួលដល់ការងារផ្ទៃក្នុងរបស់ពួកគេ។
ផលិតផលរងផលប៉ះពាល់មាន NetExtender VPN កំណែ 10.x (ឆ្នាំ 2020) ដោយគេប្រើប្រាស់វាសម្រាប់ភ្ជាប់ទៅនឹងឧបករណ៍ស៊េរី SMA 100 និង SonicWall firewalls។ Secure Mobile Access (SMA) កំណែ version 10.x សម្រាប់ដំណើរការលើ SMA 200, SMA 210, SMA 400, SMA 410 physical devices និង SMA 500v virtual device។
អនុសាសន៍សម្រាប់អ្នកប្រើឧបករណ៍ជំនាន់ SMA 100
-ប្រើប្រាស់ firewall សម្រាប់តែការភ្ជាប់ SSL-VPN ទៅឧបករណ៍ SMA ពីIP បានស្គាល់ ឬមានបញ្ជីត្រឹមត្រូវ។
ការណែនាំសម្រាប់អ្នកប្រើ firewalls ជាមួយនឹងការចូលប្រើ SSL-VPN តាមរយៈ
អ៊ីនធឺរណិតម៉ាស៊ីនភ្ញៀវ NetExtender VPN 10.x
-បិទការចូលប្រើ NetExtender ទៅ firewall ឬរឹតត្បិតការចូលប្រើអ្នកប្រើប្រាស់និងអ្នកគ្រប់គ្រងតាមរយៈបញ្ជីអនុញ្ញាត ឬ បញ្ជីសុវត្ថិភាពសម្រាប់ IP សាធារណៈរបស់ពួកគេ។
គួរបញ្ជាក់ផងដែរថា ក្រុមហ៊ុន SonicWall ក៏គាំទ្រការផ្ទៀងផ្ទាត់កត្តាច្រើនលើគណនី SONICWALL SMA, Firewall និង MYSONICWALL ទាំងអស់ផងដែរ៕
ប្រែសម្រួល៖ ប៉ោក លក្ខិណា
ប្រភពព័ត៌មាន gbhackers ចុះផ្សាយថ្ងៃទី២៦ ខែមករា ឆ្នាំ២០២១
