យោងតាមរបៀបវារៈនីតិប្បញ្ញត្តិដែលចុះបញ្ជីដោយរដ្ឋាភិបាលឥណ្ឌាបង្ហាញថា ប្រទេសឥណ្ឌាគ្រោងនឹងដាក់ចេញនូវច្បាប់មួយដើម្បីហាមឃាត់រូបិយប័ណ្ណ cryptocurrencies ឯកជនដោយមានដូចជា bitcoin និងដាក់ចេញនូវក្របខ័ណ្ឌលើរូបិយប័ណ្ណឌីជីថលផ្លូវការដែលចេញដោយធនាគារកណ្តាល។
របៀបវារៈដែលផ្សព្វផ្សាយនៅលើគេហទំព័ររបស់សភាជាន់ទាបនៅថ្ងៃសុក្រ ទី២៩ ខែមករា បញ្ជាក់ថា “ច្បាប់នេះនឹងបង្កើតក្របខ័ណ្ឌ(framework) មួយសម្រាប់ការបង្កើតរូបិយប័ណ្ណឌីជីថលផ្លូវការដែលចេញដោយធនាគារបម្រុងនៃប្រទេសឥណ្ឌា (RBI)” ។
គួរបញ្ជាក់ផងដែរថា រដ្ឋាភិបាលនៅជុំវិញពិភពលោកស្វះស្វែងរកវិធីដើម្បីគ្រប់គ្រងរូបិយ ប័ណ្ណ cryptocurrencies ប៉ុន្តែពុំមានប្រទេសសេដ្ឋកិច្ចធំណាមួយចេញមុខចាត់វិធានការយ៉ាងម៉ឺងម៉ាត់ក្នុងការដាក់បម្រាមនោះទេ បើទោះបីជាមានការព្រួយបារម្ភយ៉ាងខ្លាំងលើការប្រើទិន្នន័យអ្នកប្រើប្រាស់មិនត្រឹមត្រូវ និងផលប៉ះពាល់ដែលអាចកើតមានលើប្រព័ន្ធហិរញ្ញវត្ថុក៏ដោយ៕
ប្រែសម្រួល៖ ប៉ោក លក្ខិណា
ប្រភពព័ត៌មាន Reuters ចុះផ្សាយថ្ងៃទី៣០ ខែមករា ឆ្នាំ២០២១
