នៅក្នុងរបាយការណ៍នាពេលថ្មីៗនេះ ក្រសួងយុត្តិធម៌អាមេរិក (DOJ) បានប្រកាសជាសាធារណៈពីការ បិទដំណើរការមេរោគ NetWalker ransomware និងចាប់ខ្លួនលោក Sebastien Vachon-Desjardins ដែលជាជនដៃដល់នៅក្នុងប្រតិបត្តិការនេះ។ ការចាប់ខ្លួននេះធ្វើឡើងដោយ មានការសហការគ្នារវាងអាជ្ញាធរអាមេរិក និង Bularian ដែលជាអ្នករឹបអូសយកគេហទំព័រខុសច្បាប់ របស់ NetWalker ដែលគំរាមថានឹងផ្សព្វផ្សាយព័ត៌មានដែលលួចបានទៅកាន់ស្ថាប័នដែលឆ្លងមេរោគ ។
នៅក្នុងប្រតិបត្តិការដែលដំណើរការតាំងពីឆ្នាំ២០១៩ នោះ ប្រតិបត្តិករមេរោគ NetWalker បានបង្កឱ្យក្រុមហ៊ុនរាប់រយទូទាំងពិភពលោក បាត់បង់ថវិកាជាច្រើន។ ឯកសារក្រសួងយុត្តិធម៌ បានសង្កត់ធ្ងន់ថាក្រុមឧក្រិដ្ឋជនបានលួចប្រាក់ជាង ២៥លានដុល្លារអាមេរិក នៅក្នុងរយៈពេល ៥ខែ។
អាជ្ញាធរបានប៉ាន់ប្រមាណថា ជនជាប់ចោទ Desjardins បង្កើតប្រាក់ចំណេញសរុបជាង ២៧លានដុល្លារអាមេរិក។ វាបានបង្ហាញថា លោក Desjardins បានបង្កើតរចនាសម្ព័ន្ធប្រព្រឹត្តបទល្មើសតាំងពីឆ្នាំ ២០២០ ដូច្នេះ ជននេះមិនពាក់ព័ន្ធនឹងការអភិវឌ្ឍមេរោគ malware នេះទេ។
គេហទំព័រ NetWalker ជា ransomware as a service (RaaS) platform មានន័យថាអ្នកអភិវឌ្ឍកំពុងតែ ធ្វើអាជីវកម្មជាមួយនឹងឯកជនដូចដែលលោក Desjardins ដែលជាអ្នកទទួលខុសត្រូវក្នុងការកំណត់អាទិភាព ជនរងគ្រោះ និងចាប់ផ្តើមប្រព្រឹត្តបទល្មើស។
នៅក្នុងឧបទ្ទវហេតុទាក់ទងនឹងការស៊ើបអង្កេតនេះ ការិយាល័យស៊ើបអង្កេតសហព័ន្ធ (FBI) បាន រឹបអូសប្រាក់ប្រហែល ៤៥០ពាន់ដុល្លារ ក្នុងទម្រង់ cryptocurrencies ដែលជាផ្នែកមួយនៃប្រាក់ ចំណេញ ដែលរកបានដោយក្រុមហេគឃ័រនេះ។
នៅក្នុងចំណោមជនរងគ្រោះសំខាន់ៗរួមមាន៖ Equinix, Enel, ភ្នាក់ងារអន្តោប្រវេសន៍ Argentina សកលវិទ្យាល័យ California San Francisco រួមទាំងក្រុមហ៊ុនខ្នាតតូច និងមធ្យមរាប់រយទៀត។ ឧក្រិដ្ឋកម្មតាមអ៊ីនធឺរណិត បានវាយប្រហារដល់សាលាក្រុង មន្ទីរពេទ្យ ភ្នាក់ងារស្រាវជ្រាវ សេវាបន្ទាន់ (emergency service) សាលារៀននៅស្រុក មហាវិទ្យាល័យ និងសកលវិទ្យាល័យជាច្រើននៅទូទាំងអាមេរិក៕
ប្រភពព័ត៌មាន៖ security newspaper ថ្ងៃទី២៨ ខែមករា ឆ្នាំ២០២១
ប្រែសម្រួលដោយ៖ កញ្ញា
