អង្គភាពស្រាវជ្រាវ និងច្នៃប្រឌិតរបស់ចក្រភពអង់គ្លេស (UKRI) រងការវាយប្រហារពីមេរោគ និងកំពុងដោះស្រាយបញ្ហានោះ។ មេរោគបានអ៊ីនគ្រីបទិន្នន័យ និងបង្កផលប៉ះពាល់ដល់សេវាកម្មពីររបស់អង្គភាព ដោយបញ្ហាទី១ គឺមានការផ្តល់ព័ត៌មានដល់អតិថិជន និងទី២គឺមានការផ្តល់វេទិកា (platform) សម្រាប់ការពិនិត្យឡើងវិញលើផ្នែកផ្សេងៗរបស់ភ្នាក់ងារ។
UKRI ជាអង្គភាពសាធារណៈរបស់រដ្ឋាភិបាលចក្រភពអង់គ្លេស ដោយអង្គភាពនេះមានភារកិច្ចធ្វើការវិនិយោគលើផ្នែកវិទ្យាសាស្ត្រ និងស្រាវជ្រាវ។ ស្ថាប័ននេះមានដំណើរការនៅទូទាំងប្រទេស ដោយមានថវិកាច្រើនជាងចំនួន៦ពាន់លានអឺរ៉ូ ដែលជាមូលនិធិទទួលបានពីនាយកដ្ឋានធុរកិច្ចថាមពល និងយុទ្ធសាស្ត្រឧស្សាហកម្ម។
ភ្នាក់ងារមិនអាចបញ្ជាក់ផលប៉ះពាល់ពិតប្រកដបាននោះទេ រហូតទាល់តែការវាយតម្លៃលើឧប្បត្តិហេតុចប់សិន។ លើសពីនេះ ភ្នាក់ងារកំពុងតែបារម្ភពីការបាត់បង់ទិន្នន័យផ្ទាល់ខ្លួន ហិរញ្ញវត្ថុ ឬទិន្នន័យសំខាន់ៗផ្សេងទៀតទៅអ្នកវាយប្រហារ៕
ប្រែសម្រួល៖ ប៉ោក លក្ខិណា
ប្រភពព័ត៌មាន bleepingcomputer ចុះផ្សាយថ្ងៃទី៣០ ខែមករា ឆ្នាំ២០២១
