មេរោគផ្សព្វផ្សាយពាណិជ្ជកម្ម Home Depot ដែលមានគំនិតអាក្រក់កំពុងបង្វែរទិសដៅរបស់អ្នកប្រើប្រាស់នៅក្នុង Google Search អោយធ្លាក់ទៅក្នុងគ្រោះថ្នាក់។ យុទ្ធនាការនៃមេរោគផ្សព្វផ្សាយពាណិជ្ជកម្មលើ Google Search ដែលមានគំនិតអាក្រក់នោះមិនមែនជាបញ្ហាអ្វីថ្មីនោះទេ ដោយសារតែយុទ្ធនាការនេះគឺកើតឡើងសម្រាប់ក្រុមហ៊ុន Amazon Prime, PayPal និង eBay។
មេរោគផ្សព្វផ្សាយពាណិជ្ជកម្មទាំងនោះមានលក្ខណៈដូចជាយុទ្ធនាការស្របច្បាប់របស់ក្រុមហ៊ុនទាំងនោះដោយមានទាំងការបង្ហាញ URL ស្តង់ដាររបស់ក្រុមហ៊ុនថែមទៀត ហើយនោះគឺជារឿងធម្មតា ដែលអ្នកប្រើប្រាស់មានការច្រឡំ និងចុចលើគេហទំព័រក្លែងបន្លំទាំងនោះ។
នៅក្នុងការធ្វើតេស្តសាកល្បងមួយ គេបានវាយស្វែងរក ‘home depot’ ហើយក៏បានឃើញការផ្សាយពាណិជ្ជកម្មដែលមានគំនិតអាក្រក់លោតមកលើគេនៅក្នុងផ្ទាំងស្វែងរក។អ្វីដែលអាក្រក់ជាងនេះទៅទៀត ការផ្សាយពាណិជ្ជកម្មនោះស្ថិតនៅលើគេបង្អស់ដែលអាចនាំឲ្យអ្នកប្រើប្រាស់ចុចលើទំព័របន្លំទាំងនោះ។
យ៉ាងណាមិញ ដើម្បីបញ្ចៀសនូវបញ្ហាមួយនេះ អ្នកប្រើប្រាស់ត្រូវតែឱ្យយកចិត្តទុកដាក់បន្ថែមទៀតចំពោះលទ្ធផលស្វែងរកនៅក្នុង Google Search ទើបអាចជៀសផុតពីការចុចលើផ្ទាំងផ្សាយពាណិជ្ជកម្មដែលមិនមែនជាទំព័រស្របច្បាប់របស់ក្រុមហ៊ុន៕
ប្រែសម្រួល៖ ប៉ោក លក្ខិណា
ប្រភពព័ត៌មាន bleepingcomputer ចុះផ្សាយថ្ងៃទី៣០ ខែមករា ឆ្នាំ២០២១
