បណ្តាញទូរស័ព្ទចល័ត USCellular រងការបំពានទិន្នន័យក្រោយពីក្រុមហេគឃ័រចូលប្រើ CRM របស់ក្រុមហ៊ុន និងមើលគណនីរបស់អតិថិជនជាច្រើន។
នៅក្នុងសេចក្តីជូនដំណឹងអំពីការបំពានទិន្នន័យ ដែលប្តឹងទៅការិយាល័យទូទៅនៃរដ្ឋ Vermont សហរដ្ឋអាមេរិក ក្រុមហ៊ុន USCellular លើកឡើងថា និយោជិករបស់ខ្លួនរងការបំពាន ដោយសារតែពួកគេទាញយកកម្មវិធីមេរោគចូលទៅក្នុងកុំព្យូទ័រ។
ក្រុមហ៊ុន USCellular ជឿជាក់ថា ការវាយប្រហារនេះកើតឡើងនៅថ្ងៃទី៤ ខែមករា ឆ្នាំ២០២។ ក្រុមហ៊ុនមិនច្បាស់ទេថា មានអតិថិជនប៉ុន្មាននាក់ដែលរងផលប៉ះពាល់ និងនយោជិករងការគេបោកប្រាស់តាមរយៈអ៊ីម៉ែលបន្លំ ឬវិធីសាស្ត្រផ្សេងពីនេះឬយ៉ាងណានោះទេ។
នៅពេលកំពុងមើលគណនីរបស់អតិថិជននៅក្នុង CRM ភ្នាក់ងារគម្រាមកំហែងអាចមើលឃើញឈ្មោះ អាស័យដ្ឋាន លេខកូដ PIN លេខទូរស័ព្ទ ផែនការសេវាកម្ម និងរបាយការណ៍ចំណាយ និងការប្រើប្រាស់ផ្សេងៗទៀត។ តាមការបញ្ជាក់ពី SCelluar បានឲ្យដឹងថា លេខសន្តិសុខសង្គមរបស់អតិថិជន និងព័ត៌មានកាតឥណទានមិនប្រើប្រាស់បានទេនៅពេលដែលទិន្ន័យទាំងនោះរង កាបិទបាំងនៅក្នុង CRM ។
ក្រោយដឹងពីការវាយប្រហារនេះ ក្រុមហ៊ុន USCellular បានផ្តាច់កុំព្យូទ័រដែលមានមេរោគ និងកំណត់លេខកូដសម្ងាត់របស់និយោជិកឡើងវិញ។ លើសពីនេះ ក្រុមហ៊ុនក៏បានតម្រូវឲ្យអតិថិជនដែលរងនូវផលប៉ះពាល់ធ្វើការកំណត់ឡើងវិញ និងបង្កើតលេខកូដសម្ងាត់ថ្មី និងដាក់សំណួរ ឬ ចម្លើយអនុញ្ញាត ដែលមានទាក់ទងទៅក្រុមហ៊ុនផ្តល់សេវា USCellular។
អតិថិជនដែលរងផលប៉ះពាល់គួរតែយកចិត្តទុកដាក់លើការឆបោកដែលកំណត់គោលដៅលើព័ត៌មាននៅក្នុង CRM។ ភ្នាក់ងារព័ត៌មានបានទាក់ទៅក្រុមហ៊ុនផ្តល់សេវា USCellular ប៉ុន្តែពុំទាន់មានការឆ្លើយតបនោះទេ៕
ប្រែសម្រួល៖ ប៉ោក លក្ខិណា
ប្រភពព័ត៌មាន bleepingcomputer ចុះផ្សាយថ្ងៃទី២៨ ខែមករា ឆ្នាំ២០២១
