ការិយាល័យស៊ើបអង្កេតសហព័ន្ធ (FBI) បានកំណត់ថាស្ត្រីមកពី Wisconsin បានចូលទៅកាន់ គេហទំព័រខុសច្បាប់ក្នុងគោលបំណងជួលជនដៃដល់។ Kelly Harper អាយុ ៣៧ឆ្នាំ ត្រូវបានចាប់ខ្លួន កាលពីថ្ងៃទី៥ ខែកុម្ភៈ ពីបទប៉ុនប៉ងប្រព្រឹត្តឃាតកម្ម។
ជនរងគ្រោះស្នាក់នៅផ្ទះរបស់គាត់ ព្រមទាំងអមដោយអ្នកកាសែត២នាក់ដែលកំពុងតែសួរពីករណី ជួលឃាតករតាមរយៈគេហទំព័រទីផ្សារងងឹតនៅពេលដែលពួកគេធ្វើរបាយការណ៍ទៅកាន់ប៉ូលិស Sun Prairie។ អ្នកកាសែតទាំង២ បានបង្ហាញភស្តុតាងពីការសន្ទនារវាងអ្នកគ្រប់គ្រងគេហទំព័រ និង អតិថិជន ដែលចង់ជួលឃាតករនៅ Wisconsin។
អ្នកស៊ើបអង្កេតបានរៀបរាប់លម្អិតពីគម្រោងការណ៍ជនល្មើស រួមមាន ការសន្ទនាជាមួយនឹងអ្នក ប្រតិបត្តិគេហទំព័រ ដែលកើតមានតាំងពីដើមសប្តាហ៍ទី១ ខែឆ្នូ ឆ្នាំ២០២។ ឯកសារនេះបង្ហាញថា ជនល្មើសបានស្គាល់ពីអត្តសញ្ញាណជនរងគ្រោះរួចទៅហើយ៖ ”គាត់ជាជនជាតិស្បែកស មានកម្ពស់ ៥ហ្វីត សក់ខ្លី ពណ៌ត្នាត ផ្នែកពណ៌ខៀវ” បើយោងតាមការបញ្ជាក់ពី Harper។
ជនល្មើសបានផ្ញើរូបថតជនរងគ្រោះ ផ្ទះគាត់ ឡានគាត់ និងព័ត៌មានលម្អិតទាក់ទងនឹងចំណង់ចំណូល ចិត្ត និងទម្លាប់របស់ជនរងគ្រោះ។
អ្នកគ្រប់គ្រងគេហទំព័រងងឹតស្នើសុំអតិថិជនឱ្យវេរលុយ Bitcoin ប្រហែល ៥០០០$។ បន្ទាប់ពី ជនរងគ្រោះបានផ្តល់ព័ត៌មានពីករណីឃុបឃិតទៅកាន់មិត្តស្រីរបស់គាត់ នាងបានប្តឹងទៅកាន់ មជ្ឈមណ្ឌលប្រតិបត្តិការគំរាមកំហែងជាតិ។ Bryan Baker, ភ្នាក់ងារពិសេស FBI បានជួបជាមួយអ្នក កាសែត៣ រូបព្យាយាមស្វែងរកពន្លឺនៃឧបទ្ទវហេតុ។ អ្នកកាសែតបានបញ្ជាក់ពីភាពសុក្រឹតនៅក្នុង របាយការណ៍ ដោយបានលើកឡើងថាអាជ្ញាធរបញ្ជាឱ្យមានការការពារជាពិសេសលើជនរងគ្រោះ។
តាមរយៈទីភ្នាក់ងារពិសេស Baker បានកត់សម្គាល់ឃើញថា៖ “តាមរយៈការវិភាគនៃការសន្ទនារវាង ជនល្មើស និងអ្នកប្រតិបត្តិគេហទំព័រ បូកនឹងភស្តុតាងដូចជា៖ ប្រតិបត្តិការ cryptocurrency កាលពីខែ តុលា ឆ្នាំ២០២០ យើងអាចសន្និដ្ឋានបានថា នេះគឺជាការបង់ថ្លៃសេវាសម្លាប់មនុស្សពិតប្រាកដមែន។
ជនល្មើស Harper ជាអ្នកវេរប្រាក់ដើម្បីជួលឃាតករនៅលើគេហទំព័រទីផ្សារងងឹត បច្ចុប្បន្នត្រូវបាន ឃុំឃាំងនៅក្នុងគុកនៃប្រទេស Dane។ នៅក្នុងករណីនេះ Harper ប្រឈមនឹងការកាត់ទោសជាប់ ពន្ធនាគាររហូតដល់ ១០ឆ្នាំ៕
ប្រភពព័ត៌មាន៖ ថ្ងៃទី១២ ខែកុម្ភៈ ឆ្នាំ២០២១
ប្រែសម្រួលដោយ៖ កញ្ញា
