ថ្មីៗនេះ ក្រុមអ្នកស្រាវជ្រាវសុវត្ថិភាពបានរកឃើញនូវមេរោគ ransomware ថ្មីដែលមានឈ្មោះហៅថា”DarkRadiation” ដែលមានគោលដៅក្នុងការវាយប្រហារទៅលើប្រព័ន្ធប្រតិបត្តិការ Linux និង Docker Cloud ។
អ្នកស្រាវជ្រាវរបស់ក្រុមហ៊ុន Trend Micro និយាយថា “មេរោគ ransomware នេះសរសេរនៅក្នុង Bash script នឹងមានគោលដៅវាយប្រហារទៅលើ Red Hat/CentOS និង Debian Linux ។ មេរោគ malware នេះប្រើប្រាស់នូវ AES algorithm របស់ OpenSSL ជាមួយនឹង CBC mode ក្នុងការអ៊ីនគ្រីបទៅលើ files ជាច្រើននៅក្នុង directories ផ្សេងគ្នា។”
គួរបញ្ជាក់ផងដែរថា មេរោគ DarkRadiation មានសមត្ថភាពក្នុងការបិទ និងបញ្ឈប់នូវការដំណើរការរបស់ Docker នៅលើម៉ាស៊ីនដែលរងគ្រោះ និងបោះនូវសារទាមទារប្រាក់លោះបង្ហាញនៅលើឧបករណ៍របស់អ្នកប្រើប្រាស់តែម្តង។ អ្នកស្រាវជ្រាវ SentinelOne និយាយថា “មេរោគ Malware សរសេរនូវភាសា shell script ដែលអនុញ្ញាតអោយហេគឃ័រវាយប្រហារបាន៕”
