ក្រុមហ៊ុន Microsoft ទើបតែធ្វើការចេញផ្សាយនូវការ Patch សុវត្ថិភាពទៅលើចន្លោះប្រហោង 0-Day ដ៏គ្រោះថ្នាក់ដែលមានឈ្មោះហៅថា “PrintNightmare” ដែលស្ថិតនៅក្នុង Windows Print Spooler service ហើយវាអនុញ្ញាតអោយហេគឃ័រប្រតិបត្តិកូដមេរោគ និងគ្រប់គ្រងទៅលើប្រព័ន្ធដែលរងគ្រោះថែមទៀត។
ចន្លោះប្រហោងនេះគឺ CVE-2021-34527 ដែលអនុញ្ញាតអោយមានការប្រតិបត្តិកូដពីចម្ងាយនៅលើ Windows ។ កាលពីសប្តាហ៍មុននេះ ក្រុមហ៊ុននេះក៏រកឃើញនូវការកេងប្រវ័ញ្ចទៅលើចន្លោះប្រហោងនៃ Microsoft Windows Print Spooler service ដែលអនុញ្ញាតអោយអ្នកប្រើប្រាស់អាចបន្ថែមនូវ Printers និង drivers រួមជាមួយនឹងការប្រតិបត្តិកូដមេរោគបានថែមទៀតផង។
គួរបញ្ជាក់ផងដែរថា PrintNightmare នេះគឺអាចប្រតិបត្តិកូដពីចម្ងាយជាមួយនឹង SYSTEM privileges នៅលើម៉ាស៊ីន Windows ។ នៅក្នុងពេលនេះ ក្រុមហ៊ុន Microsoft បានបញ្ចេញនូវ Patch សម្រាប់កម្មវិធីជាច្រើនដូចជា Windows Server 2019, Windows Server 2012 R2, Windows Server 2008, Windows 8.1
Windows RT 8.1 និង Windows 10 (versions 21H1, 20H2, 2004, 1909, 1809, 1803 និង 1507) ។ ដូចនេះ សូមអ្នកគ្រប់គ្រងប្រព័ន្ធធ្វើការអាប់ដេត Patch នេះជាបន្ទាន់៕
