អនុប្រធាន 2 រូប (លោក Dan DeMichele និង Gabor Angyal) របស់ក្រុមហ៊ុន LastPass បានទម្លាយអំពីស្ថានភាពជុំវិញបញ្ហាសនិ្តសុខរបស់កម្មវិធី LastPass នៅក្នុងសប្តាហ៍នេះ។
កាលពី 2 ថ្ងៃមុននេះ អ្នកប្រើប្រាស់ជាច្រើនរយនាក់របស់ក្រុមហ៊ុន LastPass បង្ហោះនៅលើ Twitter, Reddit និងវេបសាយជាច្រើនទៀតដែលនិយាយថា master password របស់ពួកគេកំពុងតែត្រូវបានប្រើប្រាស់ដោយហេគឃ័រ។ ទោះបីជាពួកគេបានផ្លាស់ប្តូរទៅលើលេខសម្ងាត់ master password ក៏ដោយ វាហាក់ដូចជាមានអ្នកណាម្នាក់ព្យាយាមក្នុងការ access ទៅកាន់ account របស់ពួកគេ។
ថ្មីៗនេះ ក្រុមហ៊ុននេះក៏បានចេញសេចក្តីថ្លែងការណ៍ខ្លីមួយដែលនិយាយថា ក្រុមការងារសុវត្ថិភាពរបស់ខ្លួនរកឃើញថាអ្នកវាយប្រហារបានលួចនូវព័ត៌មានសម្ងាត់ (username, password) ដើម្បីចូលទៅកាន់គណនីរបស់អ្នកប្រើប្រាស់។
គួរបញ្ជាក់ផងដែរថា ដោយសារតែការព្រួយបារម្ភពាក់ព័ន្ធទៅនឹង master password នេះ នាយកប្រតិបត្តិរបស់ក្រុមហ៊ុន Perimeter 81 លោក Amit Bareket ស្នើអោយអ្នកប្រើប្រាស់ប្រើនូវ biometric authentication ឬ MFA សម្រាប់ master password សម្រាប់គ្រប់គ្រងទៅលើកម្មវិធី LastPass ៕
