ក្រុមជំរិតទារប្រាក់បន្តធ្វើឲ្យមានការបំផ្លិចបំផ្លាញទៅលើប្រព័ន្ធអេកូឡូស៊ីដែលមិនធ្លាប់មានពីមុនមក និងការទាមទារប្រាក់លោះកាន់តែច្រើនឡើងៗ។ ក្រុមគំរាមកំហែងជាច្រើននៅពីក្រោយការចែកចាយមេរោគ ransomware នឹងមិនទៅណានោះទេ។ ការជំរិតទារប្រាក់តាមប្រព័ន្ធឌីជីថលកំពុងរីកដុះដាលជាមួយនឹងការវាយប្រហារដោយជោគជ័យជាច្រើនដែលក្រុមហេគឃ័រនេះអាចរកប្រាក់ជាច្រើន។
យោងតាមរបាយការណ៍គំរាមកំហែង Ransomware Threat Report ថ្មីៗនេះដោយUnit 24 បញ្ជាក់ថា ការទាមទារប្រាក់លោះ និងការបង់ប្រាក់នៅតែបន្តកើនឡើងយ៉ាងខ្លាំង។ កាលពីឆ្នាំមុន ការបង់ប្រាក់លោះជាមធ្យមបានកើនឡើង 144% ដែលទឹកប្រាក់នេះឈានដល់ទៅចំនួន 2.2 លានដុល្លារអាមេរិក។ របាយការណ៍នេះក៏បានបង្ហាញផងដែរថា ជាមួយនឹងការទាមទារប្រាក់លោះកាន់តែខ្ពស់ នោះការបង់ប្រាក់កាន់តែច្រើន។ ជាមធ្យម ជនរងគ្រោះបានបង់ប្រាក់ចំនួន 541,000 ដុល្លារអាមេរិកក្នុងឆ្នាំ 2021 ដែលកើនឡើងពី 303,000 ដុល្លារអាមេរិកក្នុងឆ្នាំ 2020 ។
ដើម្បីបង្ខំជនរងគ្រោះឱ្យព្រមតាមការទាមទាររបស់ពួកគេ ក្រុមចែកចាយមេរោគ ransomware តែងតែប្រើវិធីសាស្ត្រជំរិតទារប្រាក់ដ៏ច្រើនលើសលប់។ ក្នុងចំណោមវិធីដ៏ពេញនិយមបំផុតក្នុងការដាក់សម្ពាធគឺការវាយប្រហារ distributed denial-of-service (DDoS)។ របាយការណ៍នេះបង្ហាញឈ្មោះ និងភស្តុតាងនៃជនរងគ្រោះចំនួន 2,566 នាក់ដែលត្រូវបង្ហោះទិន្នន័យជាសាធារណៈនៅលើគេហទំព័រលេចធ្លាយ ransomware កាលពីឆ្នាំមុន ពោលគឺកើនឡើង 85% បើធៀបនឹងឆ្នាំ 2020៕
