CERT របស់ប្រទេសជប៉ុនទើបតែបញ្ចេញនូវ version ថ្មីរបស់កម្មវិធី EmoCheck ដែលអាចរកទើញនូវ 64-bit version ថ្មីរបស់មេរោគ Emotet malware ដែលចាប់ផ្តើមវាយប្រហារទៅលើអ្នកប្រើប្រាស់ជាច្រើននៅក្នុងខែនេះ។ Emotet គឺជាមេរោគ malware ដែលចែកចាយតាមរយៈ emails ដែលប្រើប្រាស់នូវ phishing emails ជាមួយនឹងការភ្ជាប់នូវឯកសារផ្សេងៗដូចជា Word/Excel documents, Windows shortcuts, ISO files និង zip files ដែលជាប់ password ។
នៅក្នុង phishing emails នេះគឺបោកបញ្ឆោតអោយអ្នកប្រើប្រាស់ជាច្រើនបើកទៅលើឯកសារនៅក្នុង attachments file នេះ។ មេរោគ Emotet នឹងបោកអោយអ្នកប្រើប្រាស់ដោនឡូតនូវមេរោគនៅលើកុំព្យូទ័រ។ មេរោគ Emotet malware នេះក៏មានសមត្ថភាពក្នុងការលួចទិន្នន័យផងដែរ។
កម្មវិធី EmoCheck អាចស្កេននូវមេរោគ Emotet Trojan នេះបាន។ ពេលនេះមេរោគ Emotet ត្រូវបានតម្លើងនៅក្នុង folder ដែលស្ថិតនៅក្នុង C:\Users[username]\AppData\Local ហើយមេរោគ Emotet malware នេះមានទម្រង់ជា DLL តែមាន extension ជា .bbo ឬ .qvp ៕
