ក្រុមហ៊ុនបច្ចេកវិទ្យា Microsoft ទើបតែបានជួសជុលទៅលើបញ្ហាដែលបណ្តាលអោយកម្មវិធី Office applications មានបញ្ហានៅពលដែលធ្វើការជាមួយនឹងឯកសារនៅលើក្លោដ (Cloud) ដូចជាឯកសារ Word និង Excel ។ វាប៉ះពាល់ដល់កម្មវិធី Office apps ដែលរួមមាន Excel, Word និង PowerPoint សម្រាប់ Microsoft 365 ។
ក្រុមហ៊ុននេះនិយាយនៅក្នុងវេបសាយថា “កម្មវិធី Word, Excel និង PowerPoint អាចនឹងបិទដោយមិននឹកស្មានដល់នោះទេនៅពេលដែលចុចបើក បិទ រក្សាទុក ការអាប់ឡូត ឬដោនឡូតនូវ files ក្លោដនៅក្នុង Office Version 2205 ។ ” តាមការបញ្ជាក់របស់ Redmond អ្នកប្រើប្រាស់មិនបានដឹងអំពីបញ្ហានៃកម្មវិធីទាំងនេះទេ។
ក្រុមហ៊ុន Microsoft និយាយថា បញ្ហានៃ Microsoft 365 នេះគឺត្រូវបានដោះស្រាយនៅក្នុង Office Version 2206 Build 16.0.15330.20230 ។ សម្រាប់អ្នកប្រើប្រាស់ដែលចង់ធ្វើការអាប់ដេតដោយខ្លួនឯងនោះ ចូលទៅកាន់ Office app និងចុចនៅលើ “Update Now”នៅក្នុង File > Account > Update Options ៕
