កំណែចុងក្រោយនៃមេរោគ (ransomware) Redeemer ត្រូវបានផ្សព្វផ្សាយនៅលើវេទិការហេគ។ មេរោគថ្មីនេះផ្តល់ឱ្យអ្នកគំរាមកំហែងដែលមិនមានជំនាញជាមួយនឹងភាពងាយស្រួលក្នុងការវាយប្រហារជំរិតទារប្រាក់ដោយមានការអ៊ិនគ្រីប។
មេរោគ Redeemer កំណែថ្មីត្រូវបានសរសេរទាំងស្រុងនៅក្នុងកម្មវិធី C ++ មានអត្រាការរកឃើញ AV មធ្យម ដើម្បីដំណើរការជាមួយដំណើរការពហុបណ្តាញ និងអាចប្រើបានជាមួយ Windows Vista, 7, 8, និង 11។ វាមិនដូចជាប្រតិបត្តិការមេរោគ RaaS នោះទេ ដោយនរណាក៏អាចទាញយក និងប្រើកម្មវិធីសរសេរមេរោគ (ransomware builder) ដើម្បីបើកការវាយប្រហារផ្ទាល់ខ្លួនបានដែរ។ មានចំណុចប្រទាក់ (Interface) អ្នកប្រើក្រាហ្វិកថ្មីសម្រាប់សម្ព័ន្ធដើម្បីបង្កើតឧបករណ៍ប្រតិបត្តិ និងឌិគ្រីបមេរោគ (ransomware)។ មេរោគ Redeemer 2.0 មានការបន្ថែមសមត្ថភាពដូចជាការគាំទ្រសម្រាប់ឧបករណ៍ GUI និងជម្រើសទំនាក់ទំនងដូចជា XMPP និង Tox Chat ។ កំណែថ្មីនេះថែមទាំងមានប្រព័ន្ធតាមដានលេខសម្គាល់(ID tracking system) យុទ្ធនាការ ដែលអនុញ្ញាតឱ្យតួអង្គគំរាមកំហែងតាមដានការវាយប្រហារ
ផ្សេងៗក្នុងពេលតែមួយ។
ប្រសិនបើជនរងគ្រោះសម្រេចចិត្តបង់ថ្លៃលោះ អ្នកនិពន្ធនឹងទទួលបាន២០ភាគរយនៃថ្លៃឈ្នួល។ ការកាត់របស់អ្នកនិពន្ធគឺជាការធានាមួយ ហើយសាខាមេរោគមិនមានសិទ្ធគ្រប់គ្រងលើមេរោគនោះទេ ពីព្រោះចំនួនលោះត្រូវបានកំណត់អំឡុងពេលបង្កើតមេរោគ (ransomware) ហើយត្រូវគ្នានឹងលេខសម្គាល់ជាក់លាក់មួយ។ នៅពេលដែលតម្លៃលោះត្រូវបានបង់ អ្នកនិពន្ធចែករំលែកសោមេដែលត្រូវបញ្ចូលជាមួយសោឯកជនដែលគ្រប់គ្រងដោយសាខាមេរោគសម្រាប់ការឌិគ្រីប។ អ្នកនិពន្ធក៏បានបង្កើតទំព័រមួយនៅលើគេហទំព័រងងឹត Dread សម្រាប់សាខាមេរោគដើម្បីទទួលបានឧបករណ៍ ការបង្កើតទំនាក់ទំនង ការចូលប្រើការណែនាំ និងទទួលបានការគាំទ្រដើម្បីអនុវត្តការវាយប្រហារដោយជោគជ័យ។
អ្នកនិពន្ធមេរោគបានគំរាមថា កូដប្រភពរបស់គម្រោងនឹងបង្ហាញជាសាធារណៈ ប្រសិនបើពួកគេបាត់បង់ផលប្រយោជន៍ ដោយធ្វើឱ្យគម្រោងមេរោគ Redeemer 2.0 មានហានិភ័យ។ ហេតុការណ៍ស្រដៀងគ្នានេះធ្លាប់បានកើតឡើងជាមួយមេរោគ Redeemer 1.0 កាលពីខែមិថុនា ឆ្នាំ2021៕
ប្រែសម្រួល៖ប៉ោក លក្ខិណា
ប្រភពព័ត៌មាន cyware ចុះផ្សាយថ្ងៃទី២៧ ខែកក្កដា ឆ្នាំ២០២២
