អគ្គមេធាវីរបស់រដ្ឋ Indiana បានដាក់ពាក្យបណ្តឹងពីរដាច់ដោយឡែកពីគ្នាប្រឆាំងនឹងក្រុមហ៊ុន TikTok កាលពីថ្ងៃពុធ ដោយចោទប្រកាន់ថាបានផ្សព្វផ្សាយខ្លឹមសារដល់អ្នកប្រើប្រាស់វ័យក្មេងដែលមិនសមស្របតាមអាយុ និងមិនបានការពារសុវត្ថិភាពទិន្នន័យរបស់អ្នកប្រើប្រាស់ឱ្យបានគ្រប់គ្រាន់។
យោងតាមឯកសារតុលាការ TikTok បានផ្សព្វផ្សាយមាតិកាមិនសមរម្យជាច្រើនដល់អ្នកប្រើប្រាស់ដែលមានអាយុពី 13-17 ឆ្នាំនៅទូទាំងសហរដ្ឋអាមេរិក” ។
អគ្គមេធាវីរបស់រដ្ឋ Indiana លោក Todd Rokita បានចោទប្រកាន់ TikTok បន្ថែមទៀតថាបានផ្តល់នូវ “ខ្លឹមសារច្រើនដែលពណ៌នាអំពីគ្រឿងស្រវឹង ថ្នាំជក់ គ្រឿងញៀន ខ្លឹមសារផ្លូវភេទនិងប្រធានបទដែលបង្ហាញពាក្យប្រមាថយ៉ាងខ្លាំង”។
ពិសេសតុលាការនិយាយថា TikTok បានផ្សព្វផ្សាយខ្លឹមសារនេះដោយមិនគិតពីអាយុរបស់អ្នកប្រើប្រាស់ “ដែលមានន័យថាគេអាចចុះឈ្មោះប្រើបានជាមួយនឹងអាយុចាប់ពី 13 ឆ្នាំ”។
ចំណែកពាក្យបណ្ដឹងមួយទៀតអះអាងថា អាជ្ញាធរចិនអាចចូលមើលទិន្នន័យអ្នកប្រើ TikTok បាន។
“រដ្ឋាភិបាល និងបក្សកុម្មុយនិស្តចិនបានបង្ហាញចំណាប់អារម្មណ៍លើប្រភេទទិន្នន័យដែល TikTok ប្រមូលបានលើអ្នកប្រើប្រាស់របស់ខ្លួន ដែលពួកគេអាចប្រើប្រាស់ដើម្បីធ្វើចារកម្ម បង្កាច់បង្ខូច និងបង្ខិតបង្ខំអ្នកប្រើប្រាស់ទាំងនោះ ឬដើម្បីអភិវឌ្ឍសមត្ថភាព AI របស់ប្រទេសចិនបន្ថែមទៀត។”
ថ្មីៗនេះ ក្រុមហ៊ុនបានបញ្ជាក់ថា បុគ្គលិកមួយចំនួននៅក្រៅអឺរ៉ុប រួមទាំងនៅក្នុងប្រទេសចិន អាចចូលមើល
ទិន្នន័យបុគ្គលដែលប្រើកម្មវិធីនេះនៅអឺរ៉ុប។
ក្រុមហ៊ុន TikTok បានប្រាប់អ្នកប្រើប្រាស់នៅរដ្ឋ Indiana ថាទិន្នន័យរបស់ពួកគេត្រូវបានការពារតាមការអនុវត្តរបស់ក្រុមហ៊ុន រួមទាំងការគ្រប់គ្រងការចូលប្រើយ៉ាងតឹងរ៉ឹងដែលគ្រប់គ្រងដោយក្រុមសន្តិសុខដែលមានមូលដ្ឋាននៅសហរដ្ឋអាមេរិក។ TikTok និយាយថាមិនដែលបានផ្តល់ឱ្យរដ្ឋាភិបាលចិននូវសិទ្ធិចូលប្រើទិន្នន័យ ហើយមិនក៏មិនដែលធ្វើរឿងនោះដែរ។
ទោះបីជាមានការអះអាងទាំងនេះក៏ដោយ តុលាការបានអះអាងថា TikTok បានរក្សាទុកទិន្នន័យអ្នកប្រើប្រាស់របស់សហរដ្ឋអាមេរិក រួមទាំងទិន្នន័យរបស់អ្នកប្រើប្រាស់នៅរដ្ឋ Indiana នៅលើម៉ាស៊ីនមេ ដែលជាកម្មសិទ្ធិរបស់ក្រុមហ៊ុនចិន ដែលស្ថិតនៅក្រោមច្បាប់របស់ប្រទេសចិន។”
លោក Brooke Oberwetter ប្រធានផ្នែកទំនាក់ទំនងគោលនយោបាយនៅ TikTok បាននិយាយនៅក្នុងអ៊ីមែលទៅកាន់ Infosecurity ថា “សុវត្ថិភាព ឯកជនភាព និងសុវត្ថិភាពនៃសហគមន៍គឺជាអាទិភាពកំពូលរបស់យើង” ។ “យើងកសាងសុខុមាលភាពរបស់យុវជននៅក្នុងគោលនយោបាយរបស់យើងកំណត់លក្ខណៈពិសេសតាមអាយុ ផ្តល់សិទ្ធិអំណាចដល់មាតាបិតាតាមការប្រើឧបករណ៍ ហើយបន្តវិនិយោគលើវិធីថ្មីៗជាមួយខ្លឹមសារដោយផ្អែកលើភាពសមស្របតាមអាយុ ឫគ្រួសារ។”
ប្រភព ថ្ងៃទី០៩ ខែ១២ ឆ្នាំ២០២២
