កម្មវិធីផ្តល់រង្វាន់សម្រាប់ការរកឃើញភាពងាយរងគ្រោះឧបករណ៍របស់ក្រុមហ៊ុន Google ជួយឱ្យក្រុមហ៊ុនកំណត់អត្តសញ្ញាណកំហុសសុវត្ថិភាពនៅក្នុងប្រព័ន្ធប្រតិបត្តិការ និងនៅលើឧបករណ៍របស់ខ្លួន។ ដើម្បីលើកកម្ពស់ដល់កិច្ចការស្រាវជ្រាវសុវត្ថិភាពបន្ថែមនៅក្នុងតំបន់នៃផលិតផលរបស់ពួកគេដែលនឹងមានឥទ្ធិពលកាន់តែខ្លាំង និងការពារសុវត្ថិភាពរបស់អ្នកប្រើប្រាស់ ក្រុមហ៊ុន Google កំពុងចាប់ផ្តើមប្រព័ន្ធវាយតម្លៃគុណភាពថ្មីសម្រាប់របាយការណ៍ភាពងាយរងគ្រោះផ្នែកសុវត្ថិភាព។
ក្រុមហ៊ុន Google និយាយថា៖ “ក្រុមហ៊ុនមានសេចក្តីរីករាយក្នុងការប្រកាសថាក្រុមហ៊ុនកំពុងអនុវត្តប្រព័ន្ធវាយតម្លៃគុណភាពថ្មីសម្រាប់របាយការណ៍ភាពងាយរងគ្រោះផ្នែកសុវត្ថិភាព ដើម្បីលើកទឹកចិត្តដល់ការស្រាវជ្រាវសុវត្ថិភាពបន្ថែមទៀតដែលមានផលប៉ះពាល់ខ្ពស់ដល់ផលិតផលរបស់ក្រុមហ៊ុន និងធានាសុវត្ថិភាពដល់អ្នកប្រើប្រាស់។ ការរកឃើញភាពងាយរងគ្រោះដែលមានគុណភាពខ្ពស់បំផុត និងមានភាពងាយរងគ្រោះបំផុតឥឡូវនេះមានសិទ្ធិទទួលរង្វាន់ធំរហូតដល់ 15,000ដុល្លារ”។
ធាតុសំខាន់ៗនៃរបាយការណ៍៖
-ការពិពណ៌នាត្រឹមត្រូវ និងលម្អិត
-ការវិភាគមូលហេតុដល់ឫសគល់
-ការរៀបរាប់នីតិវិធីជាជំហានៗសម្រាប់ការផលិត
ឡើងវិញនូវភាពងាយរងគ្រោះនៅលើឧបករណ៍ក្នុងកំណែចុងក្រោយ
-ភ័ស្តុតាងដែលអាចបញ្ជាក់ពីកម្រិត និងប្រភេទនៃភាពងាយរងគ្រោះ
ក្រុមហ៊ុន Google ថែមទាំងនិយាយផងដែរថា ក្រុមហ៊ុននឹងលែងចាត់ទុកថាភាពងាយរងគ្រោះ និងការបង្ហាញទូទៅ (CVE) ដែលពាក់ព័ន្ធភាពធ្ងន់ធ្ងរកម្រិតមធ្យមតទៅទៀត ហើយ ក្រុមហ៊ុននឹងយកចិត្តទុកដាក់តែចំពោះកំហុសកម្រិតធ្ងន់ធ្ងរ និងកម្រិតខ្ពស់ប៉ុណ្ណោះ។ក្រុមហ៊ុន Google ជឿជាក់ថា ការលើកទឹកចិត្តអ្នកស្រាវជ្រាវឱ្យផលិតរបាយការណ៍ដែលមានគុណភាពខ្ពស់នឹងពង្រឹងសហគមន៍សុវត្ថិភាពទាំងមូល និងសមត្ថភាពរបស់ខ្លួនក្នុងការចាត់វិធានការសមស្រប៕
ប្រភពព័ត៌មាន gbhackers ចុះផ្សាយថ្ងៃទី១៨ ខែឧសភា ឆ្នាំ២០២៣
