ក្រសួងរបស់រដ្ឋ (Department of State) បានចាប់ផ្តើមរឹតបន្តឹងវីសា (Visa) ចំពោះអ្នកស៊ីឈ្នួលបង្កើត Spyware និងឈ្មួញ ដោយការហាមឃាត់មិនឱ្យពួកគេចូលទៅសហរដ្ឋអាមេរិក បើយោងតាមការប្រកាសកាលពីដើមខែកុម្ភៈ កន្លះទៅនេះ។
យុទ្ធនាការបង្ក្រាបបានចាប់ផ្តើមជាមួយនឹងបុគ្គលចំនួន ១៣រូប និងក្រុមគ្រួសារជិតស្និតរបស់ពួកគេ (ដូចជា ប្តីប្រពន្ធ និងកូន) ដែលជាប់ពាក់ព័ន្ធនឹងប្រតិបត្តិការស៊ើបអង្កេតសាជីវកម្ម (Commercial Spyware Operations)។ ដោយការអនុវត្តតាមច្បាប់ Section 212 (a)(3)(C) របស់ច្បាប់អន្តោប្រវេសន៍ និងជាតិសាសន៍ ការរឹតត្បិតវីសានេះអនុញ្ញាតឱ្យរដ្ឋលេខាធិការដកចេញពាក្យស្នើសុំវីសាចំពោះអ្នកដែលធ្វើឱ្យប៉ះពាល់ដល់អាមេរិក ដោយហាមប្រាមអ្នកដែលមានទំនាក់ទំនងជាមួយការស៊ើបអង្កេតពាណិជ្ជកម្មមិនឱ្យចូលប្រទេសអាមេរិក។
អ្នកនាំពាក្យក្រសួងរបស់រដ្ឋបានថ្លែងថា សកម្មភាពនេះជាផ្នែកមួយនៃកិច្ចខិតខំប្រឹងប្រែងរបស់អាមេរិកដើម្បីទប់ទល់នឹងការរីកសាយភាយ និងកំពុងបន្ត រួមទាំងការប្រើប្រាស់មិនត្រឹមត្រូវលើ Spyware ពាណិជ្ជកម្មដូចមានកំណត់ត្រានាពេលបច្ចុប្បន្ននៅក្នុងរបាយការណ៍ប្រទេសរបស់ក្រសួងរបស់រដ្ឋ (Department of State) ចំពោះការអនុវត្តសិទ្ធិមនុស្ស ដែលក្រសួងកំពុងតែបោះជំហានដោយការបង្ខំចិត្តរឹតបន្តឹងវីសាលើបុគ្គលចំនួន ១៣រូប ដែលពាក់ព័ន្ធក្នុងការអភិវឌ្ឍ និងលក់ការសម្ងាត់ពាណិជ្ជកម្ម ឬអ្នកដែលជាសមាជិកគ្រួសាររបស់ពួកគេ។ បុគ្គលទាំងនេះបានសម្របសម្រួល ឬទទួលបានអត្ថប្រយោជន៍ផ្នែកហិរញ្ញវត្ថុពីការកេងចំណេញលើបច្ចេកវិទ្យា ដែលមានគោលដៅលើអ្នកកាសែត អ្នកស្រាវជ្រាវ អ្នកការពារសិទ្ធិមនុស្ស អ្នកប្រឆាំង និងអ្នករិះគន់ដែលយល់ឃើញផ្សេងទៀត និងបុគ្គលិករដ្ឋាភិបាលអាមេរិក។ ការចាប់ផ្តើមនេះរួមមានការរឹតបន្តឹងលើការប្រើប្រាស់ផ្ទាល់ខ្លួនរបស់រដ្ឋាភិបាលអាមេរិកលើ Spyware ពាណិជ្ជកម្ម ដែលបង្កហានិភ័យដល់សន្តិសុខជាតិ ឬសិទ្ធិមនុស្ស ហើយក៏ពាក់ព័ន្ធនឹងការគ្រប់គ្រង ព្រមទាំងការដាក់ទណ្ឌកម្មដើម្បីលើកកម្ពស់គណនេយ្យភាពផងដែរ។
រដ្ឋលេខាធិការលោក Antony បានប្រកាសថាគោលនយោបាយរឹតបន្តឹងវីសាថ្មីនេះបានចាប់ផ្តើមកាលពីខែកុម្ភៈ ដែលមានគោលដៅលើការកេងចំណេញរបស់ Commercial Spyware ទាក់ទងទៅនឹង ការឃុំខ្លួនតាមអំពើចិត្ត ការបាត់ខ្លួនដោយបង្ខំ និងការសម្លាប់ក្រៅប្រព័ន្ធតុលាការ។ រដ្ឋបាលលោក Biden ក៏បានចេញបញ្ជា (Executive Order) កាលពីខែមីនា ឆ្នាំ២០២៣ ឱ្យប្រើប្រាស់ឧបករណ៍ឃ្លាំមើលទាហានស៊ីឈ្នួល ដែលបង្កហានិភ័យដល់ផលប្រយោជន៍គោលនយោបាយការបរទេស ឬសន្តិសុខជាតិ។ វាក៏ធ្វើការជាមួយរដ្ឋាភិបាលផ្សេងចំនួន ៣៦ទៀត ក្រោមសម្ព័ន្ធសេរីភាពអនឡាញ ដើម្បីបង្កើតការណែនាំគោលនយោបាយសម្រាប់រដ្ឋាភិបាល ដើម្បីការពារការកេងចំណេញលើសិទ្ធិមនុស្សដែលពាក់ព័ន្ធនឹងបច្ចេកវិទ្យាឃ្លាំមើល (Surveillance)។ កាលពីចុងខែកក្កដា ការិយាល័យឧស្សាហកម្ម និងសន្តិសុខ (BIS) នៅក្នុងក្រសួងពាណិជ្ជកម្មបានបន្ថែមក្រុមហ៊ុនស៊ើបអង្កេតអឺរ៉ុបចំនួន ៤ ចូលទៅក្នុងបញ្ជី ដោយសារតែពួកគេពាក់ព័ន្ធនឹងការកេងចំណេញលើការជួញដូរ ដើម្បីហេគលើឧបករណ៍របស់បុគ្គលដែលងាយរងគ្រោះនៅទូទាំងពិភពលោក។ ក្រសួងរបស់រដ្ឋលើកឡើងថាឧបករណ៍ Commercial Spyware ដែលអភិវឌ្ឍដោយក្រុមហ៊ុន Intellexa S.A. ពីប្រទេសក្រិច ក្រុមហ៊ុន Intellexa Limited ពីប្រទេស Ireland ក្រុមហ៊ុន Cytrox Holding Zrt ពីប្រទេសហុងការី និង Cytrox AD ពី North Macedonia ត្រូវបានប្រើដើម្បីបំភ័យដល់ដៃគូប្រកួតគោលនយោបាយ រឹតបន្តឹងសេរីភាពក្នុងការបញ្ចេញមតិ បង្ក្រាបការប្រឆាំង និងតាមដានសកម្មភាពអ្នកកាសែតនៅទូទាំងពិភពលោក។ កាលពីដើមខែនេះ ក្រុមហ៊ុន Apple បានបញ្ជាក់ថា អ្នកប្រើទូរស័ព្ទ iPhone នៅក្នុងប្រទេសចំនួន ៩២ ប្រហែលជាត្រូវបានវាយប្រហារដោយអ្នកស៊ើបការស៊ីឈ្នួល ដែលមានបំណងដើម្បីព្យាយាមគ្រប់គ្រងលើឧបករណ៍ទាំងនោះពីចម្ងាយ។ នៅក្នុងខែមីនា ក្រុមអ្នកវិភាគការគំរាមកំហែងរបស់ក្រុមហ៊ុន Google និងក្រុមហ៊ុនបុត្រសម្ព័ន្ធ Mandiant ក៏បានថ្លែងថា អ្នកលក់ក៏បានឃ្លាំមើលពាណិជ្ជកម្ម (Commercial Surveillance Vendors) ដែលជាបុគ្គលនៅពីក្រោយប្រមាណជា ៥០% នៃការកេងចំណេញ Zero-Day ទាំងអស់ ដែលមានគោលដៅលើផលិតផល Google និង Android Devices នៅឆ្នាំ២០២៣៕
ប្រភពព័ត៌មាន៖ ថ្ងៃទី២៣ ខែមេសា ឆ្នាំ២០២៤
