កាលពីខែសីហាឆ្នាំ ២០១៨ មានករណីយុវវ័យសញ្ជាតិអូស្ត្រាលីវ័យ ១៩ ឆ្នាំមួយរូប បានទទួលទោសកំហុសថាបានលួចចូល Server របស់ Apple ជាច្រើនលើកក្នុងរយៈពេលពីរឆ្នាំកន្លងទៅ។
ករណីនេះត្រូវបានគេសើរើជាថ្មី រកឃើញថាពួកគេមានគ្នា ២ នាក់ដែលម្នាក់ទៀតជាក្មេងប្រុសអាយុ ១៣ ឆ្នាំ។ មេធាវីការពារក្ដីក្មេងប្រុសទាំង ២ នោះបានអះអាង ត្បិតតែពួកគេមានសមត្ថភាពខ្ពស់ ក៏ប៉ុន្តែសម្រាប់ករណីក្មេង ១៣ ឆ្នាំមិនអាចឲ្យជាប់ទោសបានទេ។ “គេនៅតូចណាស់” លោក Mark Twiggs បានបញ្ជាក់។
យុវវ័យរូបនេះត្រូវបានតុលាការសម្រេចឲ្យរួចផុតពីការផ្ដន្ទាទោស និងមិនត្រូវចំណាយពេលក្នុងគុកដោយសារ Hack ចូល Server របស់ Apple នោះទេ។ យុវវ័យដែលមិនត្រូវគេបង្ហាញអត្តសញ្ញាណដោយសារហេតុផលច្បាប់រូបនេះ អាច Hack Apple បានសម្រេចពីផ្ទះរបស់ខ្លួនក្នុងរដ្ឋ Melbourne ដោយលើកហេតុផលថាជាអ្នកគាំទ្រមួយរូប និងចង់ធ្វើការនៅ Apple។
គេបានដឹងដាននៃ Hacker គឺមានប្រភពចេញពីប្រទេសអូស្ត្រាលី ហើយសមត្ថកិច្ចប្រទេសអូស្ត្រាលីក៏បានចូលរួមលើការស៊ើបអង្កេតលក្ខណៈអន្តរជាតិនេះដែរ។ យុវជនដែលល្បីឈ្មោះក្នុងសហគមន៍ Hack រូបនេះបានប្រើប្រាស់ VPN និងឧបករណ៍ដទៃទៀតដើម្បីកុំឲ្យគេចាប់ដានបាន ប៉ុន្តែប្រព័ន្ធរបស់ Apple អាចដឹងពី Serial Number នៃ MacBook ដែលប្រើសម្រាប់ Hack នេះ ទើបទីបំផុតគេដឹងថាវាមានប្រភពចេញពីប្រទេសអូស្ត្រាលី។ ទាក់ទងនឹងបញ្ហានេះ Apple ក៏បានចេញសេចក្ដីប្រកាសឲ្យអ្នកប្រើប្រាស់ទាំងឡាយ កុំមានការព្រួយបារម្ភពីសុវត្ថិភាពទិន្នន័យរបស់ខ្លួន ដោយសារនេះមិនមែនជាករណីលេចធ្លាយទិន្នន័យសម្ងាត់នោះទេ៕
នាពេលនោះគេទើបមានវ័យ ១៦ ឆ្នាំប៉ុណ្ណោះ ហើយរូបគេបានទាញយកឯកសារទំហំ ៩០ GB ពីប្រព័ន្ធរបស់ Apple ដោយយករក្សទុកក្នុង Folder ក្នុងកុំព្យូទ័រនៅឯផ្ទះមានឈ្មោះថា “Hacky hack hack”។
ត្បិតថាមិនមានកំណត់ត្រាបទល្មើសក៏ពិតមែន ប៉ុន្តែយុវវ័យរូបនេះត្រូវស្ថិតការព្យួរទោសមានលក្ខខណ្ឌរយៈពេល ៨ ខែ។ យុវវ័យរូបនេះក៏ត្រូវគេទទួលចូលរៀននៅសកលវិទ្យាល័យដើម្បីរៀនអំពីឧក្រិដ្ឋកម្មបច្ចេកវិទ្យា និងសុវត្ថិភាពលើអ៊ីនធឺណិតផងដែរ៕
