នាយកដ្ឋានយុត្តិធម៌សហរដ្ឋអាមេរិកនៅថ្ងៃនេះប្រកាសការចោទប្រកាន់ប្រឆាំងនឹងពួកអ្នកវាយប្រហារជនជាតិចិននិងសមាជិកក្រុមអ្នកវាយប្រហាររបស់ពួកគេចំពោះតួនាទីដែលគេចោទប្រកាន់ក្នុងការរំលោភបំពានទិន្នន័យដ៏ធំនៅឆ្នាំ២០១៥ នៅក្រុមហ៊ុនធានារ៉ាប់រងសុខភាពយក្ស Anthem និងក្រុមហ៊ុនអាមេរិកបីផ្សេងទៀតដែលគ្មានឈ្មោះ។
Fujie Wang (王福杰) និងអ្នកវាយប្រហារម្នាក់ទៀតឈ្មោះ John Doe ដែលមានឈ្មោះក្លែងក្លាយខុសគ្នាបីគឺ Deniel Jack, Kim Young និង Zhou Zhihong ត្រូវចោទប្រកាន់៤ករណីពីបទរួមគំនិតលួចបន្លំ ការលួចបន្លំព័ត៌មានហិរញ្ញវត្ថុ និងការបំផ្លាញការការពាររបស់កុំព្យូទ័រ។ នេះយោងតាមការចោទប្រកាន់ បិទផ្សាយនៅថ្ងៃនេះនៅក្នុងតុលាការសហព័ន្ធនៅក្នុងរដ្ឋ Indianapolis ។
នៅឆ្នាំ២០១៥ ពួកអ្នកវាយប្រហាររំលោភទិន្នន័យ Anthem ដែលជាក្រុមហ៊ុនធានារ៉ាប់រងសុខភាពធំទីពីររបស់ប្រទេសនេះហើយលួចព័ត៌មានផ្ទាល់ខ្លួនរបស់អតិថិជនជាង ៨០នាក់រាប់បញ្ចូលទាំងលេខសន្តិសុខសង្គម ថ្ងៃខែឆ្នាំកំណើត អាសយដ្ឋានសារអេឡិចត្រូនិច អាស័យដ្ឋានរស់នៅ លេខអត្តសញ្ញាណវេជ្ជសាស្រ្ត ព័ត៌មានការងារ និងទិន្នន័យចំណូល។
ឧបទ្ទវហេតុនេះត្រូវគេកត់សម្គាល់ថាជាការរំលោភបំពានទិន្នន័យដ៏អាក្រក់បំផុតនៅក្នុងប្រវត្តិសាស្រ្តដោយក្រុមហ៊ុនបង់ប្រាក់ពិន័យចំនួន ១១៥លានដុល្លារដើម្បីដោះស្រាយបណ្តឹងរបស់ច្បាប់សហរដ្ឋអាមេរិក។យោងតាមការចោទប្រកាន់នេះ ពួកអ្នកវាយប្រហារប្រើប្រាស់បច្ចេកវិជ្ជាស្មុគស្មាញរួមទាំងការលួចចូលទៅក្នុងបណ្តាញកុំព្យួទ័ររបស់អាជីវកម្មគោលដៅ ហើយបន្ទាប់មកដំឡើងមេរោគលើកុំព្យូទ័ររបស់ពួកគេដើម្បីបន្ថែមការសម្របសម្រួលបណ្តាញនិងទទួលនូវទិន្នន័យអ្នកប្រើប្រាស់ដែលងាយយល់និងព័ត៌មានអាជីវកម្មសម្ងាត់។
ការចោទប្រកាន់ដែលជាផ្នែកមួយនៃគម្រោងការវាយប្រហារកុំព្យូទ័រអន្តរជាតិនេះចាប់ផ្តើមនៅខែកុម្ភៈ ឆ្នាំ២០១៤ ចុងចោទប្រើប្រាស់បច្ចេកទេសស្មុគ្រស្មាញដើម្បីវាយប្រហារចូលទៅក្នុងបណ្តាញកុំព្យូទ័រនៃអាជីវកម្មជនរងគ្រោះដោយគ្មានការអនុញ្ញាត។”ជាច្រើនលើកនៅក្នុងខែមករា ឆ្នាំ២០១៥ ជនល្មើសចូលទៅកាន់បណ្តាញកុំព្យូទ័ររបស់ Anthem ចូលឃ្លាំងទិន្នន័យសហគ្រាសរបស់ Anthem និងផ្ទេរឯកសារបណ្ណសារដែលមាន PII ពីឃ្លាំងទិន្នន័យសហគ្រាសរបស់ Anthem ពីសហរដ្ឋអាមេរិកទៅកាន់ប្រទេសចិន” ។
ក្រៅពី Anthem ចុងចោទក៏រំលោភទិន្នន័យក្រុមហ៊ុនបីផ្សេងទៀតរបស់សហរដ្ឋអាមេរិកផងដែរដែលជាក្រុមហ៊ុនមួយនៅក្នុងវិស័យបច្ចេកវិទ្យា ក្រុមហ៊ុនសម្ភារៈមូលដ្ឋាន និងក្រុមហ៊ុនសេវាកម្មទំនាក់ទំនង ប៉ុន្តែការចោទប្រកាន់មិនបង្ហាញឈ្មោះរបស់ពួកគេទេ។
- លោក Wang និង Doe ត្រូវគេចោទប្រកាន់ពីបទសរុបចំនួនបួនសហព័ន្ធ:
- បទមួយនៃការរួមគំនិតដើម្បីប្រព្រឹត្តការក្លែងបន្លំនិងសកម្មភាពដែលពាក់ព័ន្ធនៅក្នុងការទាក់ទងទៅនឹងកុំព្យូទ័រនិងការលួចអត្តសញ្ញាណ
- បទមួយនៃការក្បត់ដើម្បីប្រព្រឹត្តការលួចបន្លំព័ត៌មានហិរញ្ញវត្ថុ
- បទចំនួនពីរសំខាន់នៃការធ្វើខូចខាតដោយចេតនាលើការការពារកុំព្យូទ័រ
ទោះជាយ៉ាងណា ខាងលើនេះគ្រាន់តែជាការចោទប្រកាន់សម្រាប់ពេលនេះ ហើយ “ជនជាប់ចោទត្រូវសន្មតថាគ្មានទោសរហូតដល់មានការបញ្ជាក់ថាមានទោសលើការសង្ស័យដែលសមហេតុផលនៅក្នុងតុលាការនៃច្បាប់»។ករណីនេះត្រូវស៊ើបអង្កេតដោយការិយាល័យស៊ើបអង្កេតសហព័ន្ធ (FBI) ។
![](https://i0.wp.com/cdn.nctc.gov.kh/2019/06/b-anthem-a-20190511-870x667.jpg?resize=696%2C534&ssl=1)
![](https://i0.wp.com/cdn.nctc.gov.kh/2019/06/chinese-hacker-wanted-by-fbi-anthem-data-breach.png?resize=696%2C363&ssl=1)
ប្រភព៖
https://thehackernews.com/2019/05/chinese-hacker-anthem-breach.html