FBI កំពុងព្រមានដល់អ្នកប្រើប្រាស់ឲ្យប្រយ័ត្នពីគេហទំព័រក្លែងបន្លំដែលការពារដោយ HTTPS ។ នៅថ្ងៃទី ១០ ខែមិថុនាមជ្ឈមណ្ឌលបណ្តឹងឧក្រិដ្ឋកម្មអ៊ីនធឺណិត (IC3) របស់ FBI បានចេញផ្សាយសេចក្តីប្រកាសសេវាសាធារណៈមួយអំពីអ្វីដែលគេហៅថា “HTTPS phishing”។ ការវាយប្រហារទាំងនេះមានមុខងារដូចជាការក្លែងបន្លំដោយប្ដូរទិស URL របស់អ្នកប្រើប្រាស់ទៅ URL ខុសក្នុងការប៉ុនប៉ងលួចព័ត៌មានផ្ទាល់ខ្លួន ព័ត៌មានលម្អិតអំពីការបង់ប្រាក់ ទិន្នន័យផ្ទាល់ខ្លួននិងព័ត៌មានផ្សេងទៀត។
ប៉ុន្តែយុទ្ធនាការទាំងនេះខុសគ្នាត្រង់ថាពួកគេប្រើ “HTTPS” និងរូបសញ្ញាសោនៅក្នុងអាសយដ្ឋាន (Address Bar) ។ ការធ្វើដូច្នេះជួយអោយអ្នកប្រើមិនសូវចាប់អារម្មណ៍លើសុវត្ថិភាពដូច្នេះពួកគេនឹងមានអារម្មណ៍សុវត្ថិភាពគ្រប់គ្រាន់ក្នុងការចែករំលែកទិន្នន័យរបស់ពួកគេ។
ជាការឆ្លើយតបទៅនឹងការវាយប្រហារដែលកំពុងរីកចម្រើនទាំងនេះ FBI បានផ្តល់អនុសាសន៍ក្នុងសេចក្តីប្រកាសរបស់ខ្លួនថា អ្នកប្រើប្រាស់គួរការពារខ្លួនដោយការពិនិត្យមើលអ៊ីមែលដែលគួរឱ្យសង្ស័យដោយផ្អែកលើខ្លឹមសាររបស់ពួកគេដោយហៅអ្នកផ្ញើឱ្យបញ្ជាក់លើអ៊ីមែលដែលគួរឱ្យសង្ស័យដែលទទួលបានពីពួកគេ និងវិភាគលើអ៊ីមែលសម្រាប់កំហុសអក្ខរាវិរុទ្ធ។ ធ្វើការប្រុងប្រយ័ត្ននៅលើគេហទំព័រដែលមិនស្គាល់សូម្បីតែពួកគេមាន “HTTPS” និងរូបតំណាងសោនៅក្នុងរអាសយដ្ឋាន (Address Bar) ក៏ដោយ។
ប្រសិនបើអ្នកប្រើរកឃើញអ្វីដែលគួរឱ្យសង្ស័យ FBI លើកទឹកចិត្តឱ្យពួកគេដាក់ពាក្យបណ្តឹងជាមួយ IC3 តាម www.ic3.gov ។
![](https://i0.wp.com/cdn.nctc.gov.kh/2019/06/google-http-vs-https.jpg?resize=696%2C352&ssl=1)
![](https://i0.wp.com/cdn.nctc.gov.kh/2019/06/free-ssl-https-website-with-cloudflare.png?resize=696%2C418&ssl=1)
![](https://i0.wp.com/cdn.nctc.gov.kh/2019/06/httpsurlbar-1.jpg?resize=696%2C202&ssl=1)
ប្រភព ៖